Jwaar ke daane khane ke fayde (Benefits of Grain Sorghum Seed)

Jwaar ki taasir thandi hoti hain, Isliye garmi ke mausam mein ise khane se bahut jyada fayda milta hain. Garmiyo mein Jwar (Jvaar, Jwaar, Grain Sorghum seed) ko khane ke anek fayde hain. Isliye is mausam mein paushtik Jwaar ka aata apne ghar mein jaroor rakhna chahiye. Yeh Genhu ki roti ka sabse accha option ban sakta hain. Jwaar mein Potassium, Calcium aur Iron hota hain.

Bahut kam log jante hain ki Jvaar ki kheti Bharat mein prachin kaal se hoti aayi hain, Lekin pahle yeh ghaas ke roop mein upyog mein laai jati thi. Uske baad jab buzurgo ko iske paushtik guno ke baare mein pata chala tab se ise anaaz ke roop mein istemal mein laya jane laga. Aaiye jante hain ki garmiyo mein kyon khana chahiye Jwaar, Kya hain iske khane ke fayde :- 

1. Jvaar mein bahut saara Fiber hota hain. Isliye ise khane se wajan nahi badhta hain. 

2. Ise khane se kisi bhi tarah ka dil ka rog nahi hota hain. Yeh diabetes aur kabz ko door rakhta hain. 

3. Jwaar ke kacche daane pees kar usme thoda katha aur chuna mila kar lagane se chehre ke muhase door ho jate hain. 

4. Yadi Garmi ki wajah se sharir mein jalan ho to , Jvaar ka aata paani mein ghol le, aur nahane se pahle uska sharir par lep kare. 

5. Yeh pet ki jalan ko mitata hain. Bhuni jwaar batasho ke saath khane se pet ki jalan aur jyada pyaas lagna band ho jate hain.

6. Jwaar Bawasir aur ghaavo mein faydemand hain. 

7. jvaar Vitamin B complex ka accha source hain. Vegetarian logo ke liye Jwaar ka aata protein ka ek accha source hain. 

8. Research batate hain ki Jwaar kuch khas kism ke cancer ke khatre ko kam kar deta hain. 

9. Jvaar mein kai tarah ke minerals, Protein aur Vitamins paye jate hain. Ve pure sharir ko poshan pradan karte hain. 

10. Jwaar ke niyamit sewan se Cardiovascular healthy rahta hain. Saath hi Cholesterol ko bhi control karta hain. 

11. Garmi mein iska sewan Ulcer rogiyo ke liye vishesh roop se labhdayak hota hain. Iska daliya khane se sharir ko thandak milti hain.    

12. Jwaar ke daano ki rakh bana kar manjan karne se daanto ka hilna , unme dard hona band ho jata hain aur masoodho ki sujan khatm ho jati hain.