Gud khane ke fayde (Benefits of Jaggery)

Gud khane ke bahut hi fayde hain. Kya aap Gud (Jaggery) khana pasand karte hain? Agar aapka jwaab nahi hain to yeh post jaroor padhe, Kyonki aapko Gud ke gun ke baare mein jab pata chalega to aap kahenge bhai Gud ke kya kahne hain. Natural Sweet ke taur par khaya jane wala Gud, tasty hone ke saath-saath sehat ka khazana bhi hain. Agar aap ab tak anjaan hain iske healthy guno se to ab jaan jaiyiye gud ke yeh behtarin labh ke baare mein :-

► Sardi hone par :- Sardi ke dino mein ya sardi hone par Gud ka use aapke liye bahut hi faydemand sabit hoga. Iski taseer garam hone ke karan yeh sardi-jukaam khas taur par cough se aapko rahat dene mein madad karega. Iske liye Doodh ya Chaaye mein Gud ka prayog kiya ja sakta hain aur haa aap iska kadha bana kar bhi pee sakte hain.


► Pet ki samsya mein :- Gud khane se pet ki kai saari problems door ho jati hain. Yeh pet mein gas banana aur pachan kriya se judi anya samsyaon ko door karne mein behad faydemand hain. Khana khane ke baad Gud khane se khana acchi tarah se hajam ho jata hain.

► Skin ki health ke liye bhi Gud aapke liye bahut hi kaam ki cheez hain. Gud khoon se hanikarak toxin ko bahar nikal kar tavcha ki safaai mein madad karta hain aur blood flow ko behtar banata hain.

► Agar aap bahut jyada thakaan aur kamjori mahsoos kar rahe hain, tab bhi Gud aapki help kar sakta hain. Kyonki yeh aapke sharir ki energy ke level ko badha deta hain aur aapko thakaan mahsoos nahi hoti hain.

► Pet mein Gas banane ki problem hone par rojana ek glass paani ya doodh ke saath Gud khane se pet mein thandak hoti hain aur Gas nahi banti hain.


► Kaan mein dard hone par bhi Gud bahut hi faydemand hain. Gud ko Ghee ke saath mila kar khane se Kaan mein hone wale dard ki samsya se nijat milti hain.

► Vaise to Gud ko garam taseer ka mana jata hain, Lekin ise paani ke saath ghol kar peene se yeh body ko thandak pradan karta hain aur garmi ko control karta hain.

► Ladies ki Periods problem mein bhi Gud kafi faydemand hain. Oon dino mein Gud ka sewan karne se har tarah ki takhleef mein rahat milegi.

► Gud sharir mein Khoon ki safaai karke Metabolism rate ko control karta hain. Iske alawa Gud Gale aur Fefdo ke infection ke ilaj mein bhi faydemand hain.

► Rojana Dophar aur Raat ko khana khane ke baad thoda sa Gud mooh mein lekar choosne se pachan behtar hota aur gas nahi banti hain.

► Gud ek accha mood booster hain, Yeh aapke mood ko khusnuma banane mein madad karta hain. Iske alawa Migraine ki samsya mein bhi Gud faydemand hain. Rojana Gud khane se fayda milta hain.

▬ Gala baith jane aur awaaz jakad jane par pake huye Chawal ke saath Gud mila kar khane se baitha hua gala theek ho jata hain aur awaaz bhi khul jati hain.

▬ Body ke temperature ko control karne mein Gud sahayak hain. Isme Anti-Allergic tatv hote hain, Jo Asthma ke mareezo ke liye bahut hi faydemand hain.

▬ Yaddasht badhane mein bhi Gud bahut hi faydemand hain. Iske niyamit sewan se yaddasht badhti hain aur dimaag kamjor nahi hota hain.

◄ Gud ko Adrak ke saath garm kare, ise gunguna khane se gale ki kharash aur jalan mein rahat milti hain. Isse awaaz bhi kafi behtar ho jati hain.

◄ Khatti dakaare aane ya pet ki samsya mein Gud mein Kala Namak  mila kar chatne se laabh hota hain.

◄ Agar aapko kam bhookh lagti hain to Gud ke paas aapki is samsya ka ilaj hain. Gud khane se aapki bhookh badhegi aur pachan bhi sahi hoga.

► Wajan kam karne ke liye bhi Gud bahut faydemand hain. Rojana gud khane se wajan kam hota hain.

► Rojan thoda Gud khane se moohaso ki problem nahi hoti hain aur skin glow karne lagti hain. Yeh aapki skin ki problems ko androoni roop se theek karne mein madad karta hain.

► Sharir mein Iron ki kami hone par Gud aapki madad kar sakta hain. Gud iron ka ek accha aur asaani se milne wala source hain. Anemia ke rogiyo ke liye Gud bahut hi faydemand hain.

► Ashtma ke ilaj mein Gud bahut hi faydemand hain. Gud aur Kale Til ke laddoo bana kar khane se sardi mein ashtma ki samsya nahi hoti hain aur sharir liye jaroori garmi bani rahti hain.

► Iske alawa saans se related bimariyo ke liye 5 Gram Gud ko barabar matra mein Sarso ke tel ke saath mila kar khane se saans se sambandhit samsyaon se chutkara milta hain.

► Piliya ho jane par 5 Gram Sonth mein 10 Gram Gud mila kar khane se labh milta hain. Iske alawa jukaam ho jane par Gud ko pighla kar uski papdi bana kar khane se fayda hota hain.

► Jodo ke dard ki problem mein Gud ko Adrak ke saath khane se bahut hi fayda milta hain. Rojana Gud ke ek tukade ke saath Adrak khane se jodo ke dard mein aaram milta hain.