Lobia khane ke fayde. (Benefits of Black Eyed Pea).

Lobia ek tarah ki phali hain, Jinhe Chawli ki phalli ke naam se bhi jana hain, Ise English mein Black Eyed Pea kaha jata hain. Yeh phali Hamare desh ke jyadatar gharo mein istemal ki jati hain, Yeh bahut hi tasty hone ke saath hi poshak tatvo se bhi bharpoor mani jati hain. Aaiye aaj hum jante hain Lobia khane se hame kya-kya fayde ho sakte hain, Lobia khane ke fayde :- 

Pachak ke roop mein madadgar :- Lobia mein Fiber aur Protein jyada matra mein paye jate hain, Jo ki pet par positive asar dalte hain aur pachan kriya mein madad karte hain. Fiber ki mauzoodagi pet ki bimariyo ko door rakhti hain aur pet ko aaram deti hain aur khane ko behatar tarike se pachaati hain.

Infection se bachaav :- Vitamin A jaise Anti-Oxidants ka khazana hone ki wajah se Yeh phalli kai tarah ki bimariyo se hame door rakhti hain. Yeh body ko healthy rakhne mein bahut hi upyogi hain, Kyonki yeh sharir se kai tarah ke zehareele padartho ko bahar nikaalne mein madad karti hain.

Wajan kam karne mein madadgar :- In Black Eyed Pea mein Calorie kam hoti hain, Isliye yeh wajan kam karne ke liye accha aahaar hain. Lobia Dietary Fiber ka ek accha source hain, Jisse aapka pet jyada samay tak bhara rahta hain. 

Healthy skin ke liye upyogi :- Skin ko suchaaroo roop se repair karte huye Lobia skin ko healthy rakhti hain. Is phalli mein mauzood Anti-oxidant mein Vitamin A aur C ki mauzoodgi hoti hain jo Free Radicals se skin ko huye nuksaan ko door karte hain. 

Blood cholesterol level kam kare : - Black Eyed Pea blood cholesterol level ko kam karne ke liye jani jati hain aur kai tarah ki dil ki bimariyo ko door karti hain. Potassium aur Magnesium jaise Flavonoids aur Lignin ki mauzoodagi Lobia ko heart se related bimariyo ko door karne mein upyogi banati hain. 

Diabetes ke mareezo ke liye faydemand :- Lobia ka glycemic index dusri istemal ki jane wali phaliyo aur daalo ke mukable kam hota hain. Aise foods jinka glycemic index kam hota hain, Veh blood sugar level ko normal rakhte hain. Isliye yeh diabetes patient ke liye accha aahaar hain.