WhatsApp ke fayde aur nuksaan.

Aaj smartphone ka zamana hain aur  youth ki is taraf tezi se  badhte interest ki wajah WhatsApp hain. Har  koi  Whatsapp par  aana chahta  hain aur apne circle se  jude  rahna chahta  hain. 

WhatsApp ek  aisa mobile  app hain jisne aaj SMS ki duniya ko peeche chhod diya hain. Contacted rahne aur  apni baatein share  karne ka  bahut bada  jariya  ban gaya hain aaj  Whatsaap. Lekin aisa nahi hain ki Whatsapp ke kewal fayde hi fayde  hain, Kai maamlo mein yeh  nuksaandeh bhi saabit ho sakta hain.  New technology ki kuch khamia  bhi hoti hain, aisa hi whatsapp ke saath  bhi hain. Aaiye  aaj jante  hain WhatsApp  ke fayde  aur  nuksaan ke  baare mein  :- 

WhatsApp ke fayde :- 

► Aapko chatting  aur sharing ke liye  extra paise  kharch karne ki jaroorat nahi hain. Bas aapke  phone mein internet pack hona jaroori hain. 

► Aap world  ke kisi  bhi  kone se kisi ko bhi free  mein message  bhej sakte hain. Bina kisi extra charge ke bas aapke  phone mein Whatsapp hona chahiye aur  jise message  bhejna chahte  hain, veh  bhi whatsapp par  hona chahiye, aur phir app International message bhi kar  sakte hain.  

► WhatsApp ke  jariye  aap apne dosto se  photo, video, music, contact number aur apni location bhi share kar  sakte hain. 

► Aap apne  dosto ko voice notes bhi bhej sakte hain.

► Aap apna status bhi apne dosto mein  share  kar sakte  hain. 

► Aap takreeban 50 logo ka group bhi bana sakte hain jaha aap sabhi logo mein jankaariyo ka len-den kar sakte hain aur jaroori  jankaari  ek dusre tak pahucha  sakte hain. 

► Yeh app aapke  phone  ke  contact ko apne  aap import karta hain aur aapko batata hain ki aapke  kitne  friends whatsapp ko use  kar  rahe hain. 

► Har ek ko  message  karne ki bajaye class ya business ka group  bana kar ek hi  jagah  message  karke sabko suchna di ja sakti  hain. 

► Pahle WhatsApp mein  privacy ki suvidha  kam thi, lekin  ab aap  settings mein ja kar  apna status , profile photo aur last seen jaise  option ki setting kar  sakte hain ki veh aap apne dosto ya chuninda dosto  ko  dikhana  chahte  hain ya nahi. 

► Agar  koi aapko anjaan  person preshan kar  raha hain toh aap usko apne  Whatsapp se  block bhi kar sakte hain. 

► WhatsApp aapko Media Auto download  ki suvidha bhi deta hain. 

► WhatsApp ke jariye  aap  kisi bhi friend ko Free Voice calling  aur  yaha tak ki  free  Video Calling bhi kar  sakte  hain, Iske  liye aapko internet data ki jaroorat padti hain. 

---

WhatsApp ke Nuksaan :- 

► Aap sirf  unhi dosto  ke  saath  chat kar sakte hain, jinke paas  smartphone  aur  whatsapp ho.

► Whatsapp aake  phone ki bahut space  cover karta hain. 

► Whatsapp group bana kar aapko koi bhi add kar  sakta hain, agar  uske  paas aapka number ho. Aap Unchahe   group ke member ban jate  hain. 

► WhatsApp chalane  ke liye  aapke phone mein Internet ka pack hona ya Wi-Fi  ka hona bahut hi  jaroori hain.  

► Kuch samay baad iss App ko update karna padta hain. 

► WhatsApp install karne ke liye  aapko bahut saari permission deni padti hain jaisi ki kuch personal details, location aadi. 

► Kai baar group mein  ek saath  kai  messages  aane  ki  wajah se  jaroori  jankaari nahi mil paati  hain.

► WhatsApp aapki har file ka backup rakhti hain jo ki kai  baar  hack bhi kiya ja sakta hain.  

► Kai baar aapka last seen rishto mein tanaav bhi paida kar sakta hain. 

► Yeh aapke dosto aur virtual  world se  jodta hain, lekin kanhi na kanhi jo saath  hain, unse  door kar deta hain. 

► Whatsapp se distraction hota hain , kyonki aap usay  barabar  check karte hain. 

► Kahne  ko toh isme Free Voice  aur  Video  Calling ki suvidha hain, lekin  inko istemal  karne par  yeh itna jyada internet data use karta hain, jo ki normal calling se bhi mehanga  padta hain. 

► WhatsApp ke  jariye afvaah bahut jaldi phailti hain. 

► Yeh aapke internet ka kharcha badha deta hain, Kyonki yeh  kafi  acchi matra mein internet ki  khapat  karta hain.