Garmi se rahat paane ke liye jaroor khaye yeh phal.

Garmiyon ke dino mein dhoop bahut jyada hoti hain, jisse aap ki skin aur sehat dono ko bahut hi jyada nuksan ka saamna karna padta hain. Garmiyon ke mausam mein garmi ki wajah se kai saari bimariyan hone ka khatra kafi jyada badh jata hain. Lekin agar aap garmi ke mausam se bimariyon se bachna chahte hain to aapko kuch aise phal aur sabziyon ko khane ki jaroorat hain, jisse aapko garmi se nijaat mil sake.

Aaj ke article mein hum aapke liye lekar aaye hain ki aise fruits aur vegetables ki list aur upay, jinhe khane se aapko garmi se kafi rahat mil jati hain.

Garmi ko door karne mein madad karte hain yeh food :-

• Litchi 

Litchi mein paani aur poshak tatv bharpoor matraa mein paye jate hain. Litchi garmiyo ke dino mein nature ka insaan ko diya gya sabse behatrin tohfa hain. Yeh khane mein bahut hi jyada tasty hota hain. Isey khane se Blood Pressure control mein rahta hain. Isme calorie bhi nahi hoti hain, Isliye isey khane se motapa nahi badhta hain. Litchi ko khane se sharir mein energy bani rahti hain aur hum sabhi log garmi ke mausam mein litchi kha kar healthy rah sakte hain.

Kitna khana chahiye: - Litchi ko rojana aap 100 gram kha sakte hain.

---

• Kheera 

Kheere ko khane se pet bhara-bhara sa rahta hai aur kabz bhi door hoti hain. Kheere mein 96% tak paani hota hain aur 4% tak fiber paya jata hain. Isme Silica naam ka tatv bhi paya jata hain jo tissues ko jodne ka kaam karta hain. Isme calorie na ke barabar hoti hain.

kaise kare istemal :- Kheere ko salad ya raayte mein daal kar aap kha sakte hain.

---

• Mango 

Phalo ke raja ke naam se mashoor aam garmiyon ke liye best fruit hain. Kacche aam se bana Aam panna loo lagne se aapko bachaata hain. Isme Vitamin C bahut hi acchi matraa mein paya jata hain. Jo body ki immunity ko boost karta hain. Iske alawa aam ko khane se digestive system bhi majboot banta hain.

Kitna khaye :- Daily Ek aam khana chahiye. Jin logo ko diabetes ki problem hain, unhe doctor ki salah par hi Aam khana chahiye.

---

• Tamatar 

Tomato mein Lycopene aur Water bharpoor matraa mein hota hain. Ek research ke mutabik rojana 5 Tamatar kha kar dhoop ki wajah se huye nuksan se bacha ja sakta hain.

Istemal karne ka tarika :- Tamatar ko boil karke khane se isme paya jane wala Lycopene aur bhi jyada badh jata hain. Isey aap Salad, soup, Ketchup, Puree aur sabzi bana kar kha sakte hain.

---

• Angoor 

Angoor mein paani bahut hi acchi matra mein hota hain. Yeh khane mein Khatte-meethe aur tasty lagte hain. Angoor ko khane se digestion sahi rahta hain. Angoor khane se sharir mein paani ki kami door hoti hain. Angoor sharir ko ORS ke ghol ki tarah instant energy dete hain.


Kitna khaye :- Aap ek din mein 100 Gram Angoor kha sakte hain.

---

• Tarbooz 

Tarbooz ko khane se sharir mein paani ki kami ko pura kiya ja sakta hain. Isse body hydrate rahti hain. Yeh pachne mein asaan hota hain aur bhookh ko bhi badhaata hain. Watermelon mein Vitamin A, B, Magnesium, Potassium ke alawa jaroori antioxidant bhi hote hain. Tarbooz mein calorie na ke barabar hoti hain aur iske sewan se immune system bhi majboot banta hain.

Kitna khaye :- 2 se 3 slice tarbooz rojana khana chahiye. Diabetes ke mareez ko tarbooz bilkul bhi nahi khana chahiye.