Behtar Battery backup ke saath samsung ne lauch kiya naya Glaxy Grand Neo Plus.

Samsung ne lambe samay ke baad apni galaxy series mein koi Low budget smartphone launch kiya hain. Samsung Galaxy Grand Neo Plus Smartphone Company ke India store par list kar diya gya hain. Is phone ki keemat 9,990 Rupaye rakhi gyi hain. Samsung Galaxy Grand Neo Plus Company ke purane smartphone Grand neo ka naya variant hain. Yeh Phone Black, Gold aur White rang mein available hain. 

Kya hain khas 

Samsung ka yeh smartphone 2200 mAh ki battery ke saath aata hain. Company ke anusaar yeh 11 Ghanto ka talk time aur 430 Ghanto ka standby time 3G network par deta hain. Samsung ka yeh phone 5 Megapixel ke rear camera ke saath aata hain. Isi ke saath LED flash bhi hain. Selfie aur Video Calling ke liye ismein 2 Megapixel ka front camera diya gya hain. 

Samsung Grand Neo Plus mein Android ka 4.4 Kitkat operating system diya gya hain. Yeh dual Sim phone 5 Inch ki screen ke saath aata hain.  Iska resolution 480 X 800 pixel hain. Samsung ka yeh smartphone 1.2GHz ke Quad Core processor ke saath aata hain. Yeh kaun sa processor hain ? iske baare mein abhi koi jankari nahi di gyi hain. Iske alawa yeh phone 1 GB ki RAM ke saath aata hain. 

Grand Neo plus mein 8 GB ki internal Memory hain. Ise Micro SD card ki madad se 64 GB tak badhaya ja sakta hain. Connectivity ke mamle mein yeh phone 3G, GPRS, Wi-Fi, Micro USB, Bluetooth jaise option isme diye gye hain. Is smartphone mein naya operating system upgrade hoga ki nahi iske baare mein company ne koi jankari philhal nahi di hain.