Professional Camera kharidte samay yeh na kare galtiyan.

Agar aapko Photography ka shaunk hain, aur naya camera kharindne ka mann bana chuke hain, to market mein jane se pahle acchi research karna jaroori hain. Market mein 5 hazaar se lekar 5 lakh rupaye tak ke camera maujood hain, Lekin sawal yeh hain ki aapki jaroorat ke hisab se kaun fit baithega. Camera kharidte samay jyadatar user yeh galtiyan karte hain. 

1. Bahut jyada mega pixel wala camera kharidna 

Aksar users ko lagta hain ki agar camera jyada megapixel wala ho to photo quality bhi utni hi acchi hogi. Aisa hota nahi hain. Agar aap digital camera lene ja rahe hain to ek baar megapixel ke baare mein soche, Lekin  professional camera  lete waqt Mega pixel par jyada dhyaan nahi dena chahiye. 

Kyon nahi dena chahiye jyada dhyaan

Mega Pixel ka kaam photo size ko badhana hota hain. Professional camera ki quality vaise bhi bahut high hoti hain. Aise mein agar jaroorat se jyada megapixel count hoga , to photo ka size bahut jyada badh jayega. Is tarah ki photo ko save karne, Internet par upload karne aur file transfer karne mein bahut samay lagta hain.

2. Total Cost par dhyaan na rakhna

Kai baar log sirf main camera cost par dhyaan dete hain, Lekin baad mein accessories ki cost milkar jyada ho jati hain. Main Camera ke saath accessories ki keemat mila di jaye to budget bigadna lajmi hain. 

Kyo rakhe dhyaan

Professional camera ke saath tripod, Additional Lens, Battery, Portable Charger, Memory card, Camera Case, External Flash jaisi cheeze mahatvpurn hoti hain. Photo Quality ke saath gadget care karne ke liye bahut si cheeze kharidni hoti hain. Aise mein camera lete samay in sabhi baaton ka dhyaan rakhna jaroori hain. 

3. Censor size par dhyaan na dena

Jyadatar users megapixel par dhyaan dete hain, Censor par nahi. Bade censor aur behtar lens wale camera acchi quality ka photo dete hain. Agar censor accha hain to, Megapixel count kam hone se koi fark nahi padega. 

Kyon jaroori hain Censor

Censor ka kaam Camera se photo mein light bharna hota hain. Censor accha hoga to photo mein behtar brightness, color aur sharpness aayegi. Kisi bhi camera ko lene se pahle uske model aur censor ki jaanch-parakh kar le. Kisi Expert se apni jaroorat ke hisab se salah le. Dhyaan de aapko portrait photo khichni hain ya Landscape, Nature photography karni hain ya arial. Aam taur par bade image censor jyada behtar kaam karte hain. Example ke taur par full frame DSLR camera ke liye 36mm X 24mm Image censor size hoga. 

4. Compatibility chek na karna

Yeh point pahla professional camera kharidne wale users ke liye nahi hain. Agar aap thodi bachat karna chahte hain to camera kharidne se pahle apne paas mauzood camera accessories ko janch le. Kai baar naye professional camera mein purani accessories istemal ki ja sakti hain. 

Kyon hain jaroori 

Ek accha professional camera aapko 25000-50000 rupees tak milega. Aise mein accessories ki cost milakar yeh aur jyada mehnga sabit ho sakta hain. Kai baar purane camera lens, Memory card, Battery, Flash aur filters aadi ko re-use kiya ja sakta hain. 

5. Review na padhna

Internet par lag-bhag sabhi professional camera ke review mil jate hain. Bina review padhe koi bhi mehnga gadget lena galat faisla sabit ho sakta hain. 

Kyon hain jaroori 

Tech review padhne se gadgets ki kamiyon ki samajh aati hain. Gadgets review mein kai aise features ke baare mein bataya jata hain, jo baad mein users ke liye bahut hi important sabit ho sakti hain.