Garm Paani peene ke fayde (Benefits of drinking of hot water)

Paani amrit hain, hamare sharir mein 70% paani paya jata hain. Yahi nahi paani hamari tavcha ko mulayam aur chamakdaar banata hain, saath hi hame kai saari bimariyo se bhi door rakhta hain. Kaha jata hain ki saari rojmara ki chhoti-chhoti bimariyo ka ilaj hum paani pee ke kar sakte hain.

Scientist mante hain ki Garam paani peene se sharir ke zehareele tatv bahar ho jate hain. Subah khali pet aur raat ko khane ke baad paani peene se pachan se sambandhi sabhi dikkate khatm ho jati hain, Aur gas aur kabz jaisi samsyaen preshan nahi karti hain. To aaiye jante hain aise hi kuch faydo ke baare mein jo Garm paani peene se hote hain. Garam Paani peene ke fayde :- 

Gale aur naak ke congestion se araam dilaye 

Thand mein aksar dekha gya hain ki log gale ki samsya se preshan rahte hain. Jisse aage chalkar khansi aur kharash jaisi preshanio ka samna karna padta hain. Isse bachne ke liye garm paani piye aur garm paani se garara bhi kare.

Sharir ke vishaile tatv ko bahar kare 

Garm paani peene se sharir se har tarah ke vishaile tatv bahar nikal jate hain. Kyonki garm paani peene se sharir ka tapman badh jata hain aur isse paseena nikalta hain. Aur agar aap usi garm paani mein Nimbu daal le to aur fayda hoga.

Muhanse aur  pimples 

Ladkiyo mein muhanse aur pimples ki samsya aam baat hain, Lekin aajkal yeh preshani to Ladko mein bhi dekhi ja rahi hain. Isse bachne ke liye roj subah khali pet 1 glass garm paani piye.

Baalo ke liye faydemand

Garm paani baalo ke liye bhi faydemand hain. Yeh baalo ki jado ko majboot banata hain aur saath hi naye baal ugne mein madad karta hain. 

Blood circulation ko badhata hain

Agar sharir ka blood circulation theek nahi hain to aapko kai saari bimariya gher sakti hain. Isse bachne ke liye  garm paani piye. Yeh aapke pachan tantra ko majboot karke kai saari bimariyo se ladne ki taqat deta hain. 

Pet saaf rakhne ke liye 

Garm paani aise to bahut saare fayde deta hain, Lekin in sab mein sabse jyada fayda hamare pachan tantra ko milta hain. Garm paani peene se aanto mein jama mall asaani se nikal jata hain. Jisse aapka pet saaf rahta hain. Aur agar kabz ki preshani ho to usme bhi araam milta hain.

Wajan kam kare 

Wajan kam karna hain to Garam Paani piye. Ham sab chahte hain ki hum fit rahe lekin iske liye hum kasrat nahi karna chahte hain. To theek hain aap roj subah khali pet garm paani piye. Yeh aapke sharir se anchahe fat ko nikal dega aur aapko ek khubsoorat sharir milega.

Masik dharm ke dard se rahat 

Ladkiyo ko periods ke dauran agar pet dard ho to aise mein 1 glass gunguna paani peene se rahat milti hain. Darasal is dauran hone wale pain mein muscles mein jo khichav hota hain, Usay garm paani relax kar deta hain.

Umar kam dikhaye 

Vishailo padartho ka aapke sharir se nikalna bahut jyada jaroori hain, Kyonki yeh aapko bahut jaldi budha banata hain. Subah garm paani peene se aapki skin ke wrinkles kam ho jati hain aur saath hi aapka pet bhi saaf rahta hain.