Energy Drinks peene ke nuksaan (Side-effects of energy drinks)

Aaj kal young generation ko energy drink peena bahut hi pasand aata hain, Unka manana hain ki ise peene se body ko instant energy milti hain aur veh padhaai ya party bina thake kar lete hain.

Ho sakta hain ki yeh baat sach ho, Lekin energy drink ke kai side-effects bhi hote hain. Isse aapki health ko kafi nuksaan pahuch sakta hain. Energy drink peene ke nuksaan aur side-effects ke baare mein jaroor jane.

 Energy Drink peene ke nuksaan aur side effect :- 

1) Ango par tanaav :- Energy drink ke sewan se sharir ke sabhi parts par stress padta hain, Kyonki veh thak jate hain aur unhe aaram nahi mil pata hain. Agar aap healthy aur khush-haal rahna chahteh hain to energy drink ka sewan jyada na kare. 

2) Mood par asar :- Researches se yeh baat sabit ho chuki hain ki energy drink peene se vyakti ke mood par asar padta hain aur uska mood swing hota rahta hain. Iske sewan se sharir mein feel good karane wale serotonin ghat jata hain, Jisse aadmi depression ka shikar ho jata hain ya phir uska mood ukhada-ukhada sa rahta hain. 

3) Neend na aana :- Energy drink ko peene se jyada energy aane ke karan raat ko neend nahi aati hain. Sharir aur dimaag thak jate hain, lekin neend nahi aati hain, Jiske chalte uljhan paida hoti hain. Jo log rojana energy drink peete hain, Unhe is samsya ka samna aksar karna padta hain. Aapko to pata hi hain ki acche health ke liye sahi neend lena kitna jaroori hota hain. Neend na sirf aapke sharirik thakaavat ko door karti hain, balki aapke dimaagi kamjori ko bhi door karti hain. 

4) Caffeine par adhaarit :- Yeh baat sabke samne hain ki Caffeine ki matra energy drink mein mili huyi hoti hain. Energy drink ko peene se hame yeh nahi pata chalta hain ki hamare sharir mein Caffeine ki kitni matra pahuchati hain. Ek baar agar sharir ko caffeine ki latt lag gyi to aur bhi dher saari problems paida ho sakti hain. Isliye ise na peena hi better option hain. 

5) Sugar badhna :- Energy drink mein bharpoor matra mein sugar mili huyi hoti hain. Ek drink mein lagbhag 13 chammach chini (Sugar) hoti hain jo sharir ke sugar level ko badha deti hain, Jisse kai tarah ki gambhir samsyaen hone ka khatra rahta hain. Iske sewan se dehydration, Immune system kamjor hona, kharaab daant, Haddiyo aadi par asar padta hain.