Headphone se Zor se music sunne ke nuksaan (Side-effects of Headphone's Loud music)

Aajkal jise dekho vah kaano mein Headphones lagaye ghoomta rahta hain. Office mein kaam karte waqt kaano mein Head phone laga kar tez (Loud) music sunte huye aapne kai logo ko dekha hoga. Aap unhe zor-zor se aawaz dete rahiye par veh aapki baat ko sunenge tak nahi. Kai log loud music sunane ko cool samjhate hain, lekin veh yeh nahi jante hain ki Jor se music sunne (Sunane) se kaano ko kitna jyada nuksaan hota hain. Kai scientist ka daawaa hain ki Loud music sunne se kaan aur dimaag par kafi bura asar padta hain.

Yahi nahi isse aapka sharir buri tarah se prabhavit ho sakta hain. Yaha par Jor se music sunne ke bure effect ke bare mein hum aapko bata rahe hain. Ise padhe aur samjhe ki Tez gaana sunane se aapko ya aapke kisi dost ko kitna nuksaan hota hain. 

Headphone se Jor se music Sunne/sunane ke nuksaan :- 

1. Kaan ka infection :- Agar aap apne Earphone ko apne dosto se share karte hain, to usse dusre ke kaano ke infection aapke ander aa sakte hain. 

2. Bahrepan ka khatra :- Jab tez music kaano ke 90 Dd se upar tak nikal jati hain to vah kaano ke pardo par asar dalti hain. Is baat ko aap ander tak feel kar sakte hain, Jab koi loud music kaano ko cheerta hua pahuchta hain to kaise kaano mein kampan hone lagti hain. Jyadatar mamlo mein aap ko iska asar halka sa hoga,  Lekin lambe samay tak tez music sunne se aap Bahre (Deaf) bhi ho sakte hain. Koshish kare ki aap jyada der tak kaano mein music naa sune.

3. Naso ka kamjor hona :- Tez gaane/songs sunne se aapki nasein kamjor pad sakti hain. Nasein dimaag se lekar pure sharir tak sanket pahuchane ka kaam karti hain. Agar aap tez music sunenge to aapki nason par bura asar padega aur aapki body mein kaam ka asar dheere hoga. 

4. Concentration ki kami ;- Jab lagatar kaano mein loud music bajta hain, to aapka concentration apne aap kam ho jati hain. Aap payenge ki aapki sunne ke power bhi kam ho jayegi. Kaano mein jo kuch baj raha hota hain, aap usi ke saath taal-mel baitha lete hain aur vaise hi kaam karne lagte hain. 

5. Kaano mein dard hona :- Lagatar Headphone ko kaano mein lagaye rakhne se aapke kaano mein dard bhi ho sakta hain. Isse aapke kaano mein hawa aadi nahi jati hain, jisse aapke kaano mein infection aadi ka bhi khatra paida ho jata hain. Kabhi-kabhi Jor se music sunate rahne se kaano mein dard hone ke saath seerdard bhi hone lagta hain.