Janiye Drink mein Soda mila kar kyon nahi peena chahiye. (Why don't mix Soda in Alcohol)

Jab koi aap hard drink peete hain jaise Sharab aadi to usme paani ki jagah soda hi milana pasand karte hain. Soda mila kar peene se drink ka swaad aur bhi badh jata hain. Lekin sode ki latt lag jane se aapko zindagi bhar ki preshaniya jhelni pad sakti hain. Yeh sharir ko kai tarike se nuksaan karta hain.

Aap soch rahe honge ki bhala aisa kya kharaab karta hain Soda, Lekin iske risk ko janane ke baad aap har baar apni drink mein ise milane se bachana ki koshish to jaroor hi karenge. Aise reason jise jaan lene ke baad aap sode ki jagah paani ka istemal karna shuru kar denge. Aaiye jante hain oon karano ke baare mein ki kyon hame Drink mein Soda nahi mila kar peena chahiye. 

Drink mein soda milana band kare, Janiye kyun :- 

1) Soda isliye bhi accha nahi hain kyonki yeh haddiyo ko bhur-bhura bana deta hain. Aisa mana jata hain ki sode mein kuch aise acid paye jate hain jo haddiyo ko mulayam bana dete hain aur calcium ki kami kar dete hain.

2) Isme Artificial sweetener pada hota hain, jiski calorie bahut jyada hoti hain. Yeh bhookh ko badhati hain aur ise ek tarah ke cancer ko badhawa dene ke liye bataya gya hain. 

3) Isme mauzood sodium, Blood pressure ko badha deta hain aur blood pressure ke badhne se heart attack ka risk hota hain. 

4) Soda sharir ke liye nuksaandayak hain  kyonki isme bahut si calorie payi jati hain. Isko peene se motapa badh sakta hain aur diabetes ka khatra bhi hota hain. 

5) Soda De-hydration ko paida karta hain. Isme Sodium ki jyada matra hone ki wajah se Dehydration ho jata hain.