Blood donate (Rakt-daan) kyu karna chahiye.

Blood donation karne se kya fayde hote hain. Raktdaan jeevandaan kaise hain? Blood donation se sehat ko kya fayde hote hain. Agar aap inhi sabhi sawaalo se preshan hain to aapke liye yeh post padhna bahut hi jaroori hain. Ab tak aapne yeh sochkar raktdaan kiya hoga ki isse kisi ki life bach sakti hain. Aur kuch aise hote hain, Jo is galatfahmi ke shikaar hokar Blood donate karne se katraate hain ki isse unki sehat par asar padega. Aisa log jo sochte hain ki khoon daan (Blood donate) karne se sehat bigad jati hain, Veh is post ko jaroor padhe kyonki raktdaan (Blood donate) karne se aapki sehat bigadti nahi hain, Balki aapki sehat banti hain. Yakin nahi hota to jaan lijiye Raktdaan (Blood Donation) karne se health ko hone wale fayde (Benefits) ke baare.

Nigeria ke research ke mutaabik Blood donation karne se jo khushi aur health benefits milta hain, veh dusre tariko se nahi mil sakta hain. Khud ko sehatmand rakhne ke liye raktdaan ek accha tarika hain. Gaurtalab hain ki Finland mein ek research mein 2682 logo ne bhaag liya. Journal of the American Medical Association ne yeh paya ki 43 se 60 saal ke jin logo ne 6 mahine ke difference par rakt-daan kiya tha, Unme heart attack ka khatra kafi kam nikla. Blood donation ko cancer ke khilaaf bada hathiyaar mana ja raha hain. Blood donate karne wale vyakti mein cancer hone ka khatra 95% tak kam ho jata hain.

Ek unit blood donate karne se hamare sharir se 650 calorie burn hoti hain. Jisse wajan control mein rahta hain. Toh Blood donate karke aap extra calorie burn kar sakte hain. Isse sharir mein mauzood zehareele tatv bahar nikal jate hain. Ek nayi research ke mutabik niyamit blood donate karne se dusri kai bimariyo ka hone ka khatra bhi kam ho jata hain. Bone Marrow lagatar Active bani rahti hain.

Blood Donation mein jitna khoon liya jata hain, Veh 21 Days mein sharir phir se bana leta hain. Blood ka volume toh sharir ke 24 se 72 hours mein hi pura ban jata hain. Rakhtdaan karne ka donor ko sabse bada fayda yeh hain ki isse uski chhipi koi bimari saamne aa jati hain. Iski wajah yeh hain ki donate kiye gye blood ki 7 tarah se testing ki jati hain, Koi bhi gadbadi hoti hain, toh uska khoolasa ho jata hain.

National Cancer Institute ne bataya hain ki Sharir mein Iron ka high level cancer ko janm de sakta hain. Iske liye 1200 logo par research kiya gya jisse pata chala ki har 6 mahine ke gap par jisne khoon-daan kiya, unme iron ki kami aayi. Isse cancer ka khatra kam ho jata hain. Iske alawa blood donation karne se sharir mein jo naya khoon banta hain, Uske cells jyada healthy hote hain aur naye blood production se body chust-durust rahti hain. Sabse badi sachchaai yeh hain ki khoon daan karne se sharir ke kai parts ko cancer ke risk se door rakha ja sakta hain.

Hairaani hogi yeh jankar ki Blood donor ka cholesterol kam ho jata hain aur blood pressure control mein rahta hain. Isse jyada calorie aur fat burn hoti hain. Nayi koshikaaye banti hain. Raktdaan karke aap khud ko brain stroke jaisi bimariyo se bhi bachate hain. Doctors ka manana hain ki blood donation karne se khoon patla hota hain, Jo dil ke liye accha hain.

To dekha dosto Blood Donation (Raktdaan) hamare health ke liye kaise faydemand hain. Blood donate (Rakt-daan) karne se koi kamjori nahi aati hain. Sharir kuch hi dino phir se naya khoon bana leta. To ab aap raktdaan karne se ghabraye nahi, balki khushi-khushi blood donate kare.