Smartphone ke jyada istemal se hone wale nuksaan.

Smartphone hamari zindagi ka ek ahem hissa ban gye hain. Lagta hain inke bina zindagi jaise adhuri hi hain. Fast communication ka isse behatrin medium koi aur nahi hain. Lekin din par smartphone par busy rahne ki wajah se health par bahut hi negative asar padta hain. Jo aapke liye kai khatrnaak problems aur bimariyo ko paida kar sakti hain. Smartphone ke jyada istemal se aapki sehat par bahut bura asar padta hain. Aaiye jante hain ki smartphone ke jyada istemal ke nuksaan kya hain aur kin baato ka khyaal rakh kar hum in problems se bach sakte hain. Jaroorat se jyada smartphone ka use karne se hone wali bimariya aur inse bachne ke upay aur tips ke baare mein aayiye jante hain.

Health Disadvantage of Smartphone in Hindi (Side-effects of Smartphone in Hindi) :- 

♫ Neend na aane ki problem :- Phone ke istemal ka sabse jyada asar neend par padta hain. Raat ko ghanto tak phone par baat karne, Messaging ke alawa log Whatsapp aur Facebook par active rahte hain. Is chakkar mein veh neend ko avoid karte hain. 6-8 ghanto ki neend acchi sehat ke liye bahut hi jaroori hoti hain, jo phone ke jyada istemal ki wajah se puri nahi ho pati hain. Isse chidchidapan, depression aur stress jaisi problems paida ho jati hain.

Bachne ke upay :- Sone ke waqt phone ke istemal ko avoid kare. Phone ko silent mode par rakhe.  

♫ Gale aur Peeth mein dard :- Messaging aur Chatting ki aadat kuch der ki khushi ke saath lambe waqt ka pain de sakti hain. Jhuk kar chat karne, message karne aur song listing karne se gale aur peeth mein dard ki shikayat ho sakti hain. Gardan ke dard se iski shuruvat hoti hain, jo dheere-dheere peeth dard tak pahuch jati hain. Kai baar log driving karne waqt bhi jhuk kar phone par baat karte hain.Yeh bahut hi dangerous ho sakti hain.

Bachne ke upay :- Phone par baat karte samay gardan ko seedha rakhe. Busy hain to phone na kare aur nahi phone ko attend kare. Dono hi situation mein khatranaak sabit ho sakta hain. Baat karna bahut jaroori hain to earphone ka istemal kare. Isse gardan ko seedha rakh kar baat karna possible hain.

♫ Phobia ke shikar :- Bilkul alag tarah ka phobia hain, Nomophobia, Jisme phone paas mein na rahne par uski ringtone aur message tone ka aabhaas hota hota rahta hain. Phone kho jane par, ghar mein bhool jane par tension aur stress toh hota hi hain, saath hi pura dhyaan bhi usi aor laga rahta hain. Isse dimaag par asar padta hain aur memory kamjor ho jati hain, jo kamjor yaddasht hone ki ek ahem wajah bhi hain.

Bachne ke upay :- Is Phobia ko door rakhne ke liye sabse pahle khud ko samjhaana jaroori hain. Meditation aur saanso ki exercise ke jariye is par kafi hud tak control kiya ja sakta hain.

♫ Aankhon mein problem :- Aapka smartphone beshak hi Whatsaap, Facebook aur Twitter ko seconds mein open kar raha ho, Lekin kya aapko pata hain yeh dheere-dheere aapki aankhon ki roshini ko kharaab kar raha hain. Din bhar phone mein kabhi message to kabhi photo dekhne mein busy rahne se aankho ki roshini kam hoti chali jati hain. Isse aankho par zor padta hain, Kyonki phone ke font size limited hote hain. Is wajah se aankho se paani aana, dhundhala dikhaai dena, seerdard, aankho ka lal hona jaisi kai problems ho sakti hain.

Bachne ke upay :- Phone ko aankho se kuch doori par rakh kar istemal kare. Lagatar phone ko dekhne ki bajaye beech-beech mein break bhi le. Aankho ko kuch der ke liye band kare. Hatheliyo ko aapas mein ragad kar aankho ke upar rakhe. Isse aankho ko aaram milta hain.

♫ Ungliyo mein dard :- Touchscreen phone ho ya Keyboard wala phone, dono mein hi ungliyo ka istemal karna padta hain. Isse ungliyo ki tip mein dard ki shikaayat ho sakti hain. Ungliyo ki skin hard ho sakti hain aur kai baar unme khujali bhi hone lagti hain.

Bachne ke upay :- Beech-beech mein ungliyo ki exercise karte rahe. Messaging se behtar hain chatting.

To Dosto aapne dekha ki Smartphone ke istemal se health ko kaise nuksaan hote hain, Aur thodi si saavdhani barat kar hum in nuksaan se bach sakte hain.