Wajan kam karne ke liye aadato mein laye badlaav.

Kai baar lagatar workout karne ke baad bhi wajan kam nahi hota hain. Daily workout aur diet ka dhyaan rakhne se shuruvaat mein toh wajan tezi se kam hota hain, Lekin phir yeh ek jagah aakar rook jata hain. Aise mein wajan kam karne ke liye in baato ka dhyaan rakhna bahut hi jaroori hain.

Aaiye jante hain ki Wajan kam karne ke liye kaun si aadate (Habits) ko apnana chahiye.

Diet par dhyaan de :- Ek Food Log banaye jisse khane ki quality aur pattern par nazar rahe. 500 Calorie diet se kam kare. Par rojana calorie consume 1200 se 1500 calorie se kam nahi hona chahiye, taki sharir ki activity ke liye energy bani rahe. Kam calorie lene se aapka metabolism dheema ho jata hain. Anaaz ke bajaye Protein, Sabziya, Phal aur nuts khaye. Juice, Junk Food aur Cold  Drinks ko apni diet mein jagah na de. Calorie count ya note karna shuru kar de.

Neend aur Tension ki wajah :- Neend ki kami aur tension badhne ki wajah se wajan kam hona band ho jata hain. Yoga, Ty-chi, Meditation aur Pilates Tension ke level ko kam karne mein madad karte hain. Saath hi, Office ke kaam ko bhool kar bhi ghar par karne ki koshish na kare. Isse tension aur preshani badhti hain. Rojana kam se kam 7 se 8 ghante ki neend jaroor le.

Medical Conditions ki jaanch :- Hormone mein aane wale badlaav, Vitamin D ki kam hoti matra kuch aisi wajahe hain, Jo wajan kam hone se rokti hain. Aap doctor se baat kar iska sahi tarike se ilaj karwa kar isse bach sakte hain. Hafte mein ek din workout se break lena bhi jaroori hain.

Body ko surprise de :- Workout ko badal-badal kar kare. Ek hi type ke exercise ke baad hi aksar aisa dekhne ko milta hain. Example ke taur par agar aap roj 5 Kilometer ki running kar rahe hain, toh apni speed ko badha de. Roj apna cardio routine badle. Agar aap rojana Jim jate hain toh Monday ko kewal cycling kare. Tuesday ko Crass-tenor aur teesre din Treadmill par chale. Skipping, Punching aur 50 Minutes ke Cardio ke baad har roj 5 minutes stretching jaroor kare. Agar aap high intensity se workout kar rahe hain, toh roz kareeb 350 Calorie ghata lenge. Hafte mein ek din body ko break dena bhi jaroori hain.