Paseena aana sehat ke liye hain faydemand.

Paseena aana ek natural process hain. Pasina aane ko English mein Perspiration ya sweating kahte hain. Jab aap jyada kaam karte  hain toh  aapka sharir  garam ho jata hain toh  dimaag  cool aur comfortable  hone ki koshish karta hain. Dimaag  ka Hypothalamus body ke temperature ko  banaye  rakhta hain. Yeh sharir ke  temperature ko  banaye  rakhne  ke  liye  dimaag  ko pasina chhodne  ka signal deta hain. Isliye yeh samajhna asaan hain ki paseena body ke  health  ke  liye  bahut hi accha hain. 

Paseene mein paani aur ammonia jaise chemical ki matra hoti hain. Pasina tavcha se  vaashpit ho jata hain aur aapko cool down rakhne mein help karta hain. Iska sirf ek  nuksaan hain aur veh  yeh hain ki  paseene mein bahut sa paani nikal jata hain aur iski kami ko pura karne  ke  liye aapko kafi matra mein paani peena padta hain. 

Sweating  ek acche  cooling system ki tarah  kaam karta hain aur yeh sharir ke  liye faydemand  hain. Hum aapko batane ja rahe  hain sweating (Pasina aane) ke kuch healthy Fayde ke baare  mein  , Jinhe jaankar  aapko pata  chalega ki Paseena aana hamare sharir  ko kaise  benefits  pradaan karta  hain. Paseena aana hamare sharir  ke  liye kyun jaroori  hain ?  

Kidney mein pathhari  aadi banane ke  khatre ko  kam karta  hain :- Sweating  se  kidney mein stone hone  ki sambhaavna  kam ho jati  hain. Kidney stone  khas karke  Kidney mein namak aur  calcium ke ikkathe  ho jane ki wajah se hota hain, paseene ke  jariye namak sharir  se bahar  ho jata  hain aur  Calcium haddiyo ke jariye sokh li jati hain. Paseena nikalne  ke  saath  hi aap paani jyada matra mein piye, Yeh  dono cheeze kidney ki patthari banane se rokti hain. 

Mood  theek hota  hain :- Workout ke  baad  paseena  aana  ek natural  process  hain, jisse mood  theek hota hain. Sweating ka yeh sabse  bada  health benefit hain. Isse aap accha sochte  hain aur acche  se  decision le paate  hain. 

Sardi-jukaam ko  theek karta  hain :- Agar  aap hamesha bimaar pade  rahte hain, toh paseena aana aapke liye faydemand  saabit ho sakta hain. Sweating  sharir  ko infection se  ladne mein bhi madad karta  hain. Researches se yeh pata chala hain ki paseene  mein Anti-Microbial Peptide  hota hain jo T.B. aur dusre bimari paida karne  wale  bacteria se  ladta hain. Sweating  ek invisible army ki tarah bacteria  se  ladta hain. 

Skin pores ko saaf karta hain :- Paseena nikalne  ka sabse bada fayda yeh hain ki isse  Skin pores (rome-chhidra) saaf rahte  hain. Yeh aapke  pores ko kholta hain aur inme se  bacteria ko hatata hain. Agar  paseena  nahi nikalega toh aapke skin pores se bacteria  nahi nikal payenge , jisse  aapko moohase aadi ho jayenge. Paseena nikalne ke baad  chehra  dhone  mein khas saavdhaani baratani chahiye, kyonki paseene ki dhool-mitti  aapke skin par rah sakti hain. 

Sharir se  zehareele tatvo  ko bahar  nikaalta hain :- Paseena aane ka sabse  accha fayda yeh hain ki yeh aapke sharir se  zehareele  tatvo  ko  bahar nikaal deta hain. Alcohol, Kabz  aur  namak ko yeh sharir  se bahar nikaalne  mein  bahut hi madadgar  hain. Niyamit  roop se sharir se  paseene  ko bahar  nikalanaa aapke liye bahut hi accha aur  faydemand  hain. Yeh sharir  ko bimariyo se door rakhta hain. 

Toh dosto aapne  jana  pasina aana hamari sehat ke  liye  kyon jaroori hain, Isse hame  kya-kya fayde  aur benefits  hote hain.