Traffic Light se jude kuch interesting facts.

Traffic light hamare jeevan ka ek ahem hissa hain. Aaj ke zamane mein inke bina traffic ko control karna kafi mushkil bhara kaam hain. Aaj ki post mein hum traffic light se jude kuch interesting fact aur general knowledge janenge.

Rango ki pahchaan hain jaroori :- 

Aaj traffic light  3 rango mein kaam karti hain. Kai dashko se lal, peeli aur hair lights hamare shaharo ke yatayat ko sambhaalti aa rahi hain. Aise mein hum sabko rango ke is code ki jaankari hona behad jaroori hain. Jisme saaf hain ki lal batti ka matlab hain ki rookne ka sanket diya ja raha hain. Peeli light hame wait karne ka ishara karti hain, Iske saath hi hari light jane ke liye indicate karti hain.

Pahli traffic light lagayi gyi :- 

Traffic light ka aavishkaar 1912 mein ek police office Lester Wire ne America ke shahar Cleveland mein shuru kiya tha. Iske baad vaha par 5 August  1914 ko traffic light lagayi gyi. Tab se lekar aaj tak traffic light sadako ke saath hamare jeevan ko bhi roshan karti aa rahi hain. Halaki waqt aur technology ke saath saath iska roop bhi badalta ja raha hain. 

Peeli light ka aavishkaar  1940 mein :- 

Aaj mukhya roop se  3 traffic lights ka istemal hota hain. Jisme green, red aur  yellow lights shamil hain. Lekin Traffic light jab shuru  huyi thi, Oos samay 2 hi lights thi. Police officer  rahe traffic  lights  ke inventor Lester ne jab light ka aavishkaar  kiya tab shuruvati daur mein peeli traffic light thi hi nahi, Is light ka aavishkaar 1940 mein hua. Sabse khas baat toh yeh hain ki is light ke aane se kai bade changes huye. Is dauran traffic light ke jariye hi sadako ki bheedh ko control karne par  bhi unki team ne gahan manthan kiya. 

1990 mein ek bada badlaav :- 

Iske baad 1990 mein ek aur bada badlaav aaya. Ab ise sadak par chalne ke liye  logo ko jagrook karne ki disha mein prayaas hua. Ise ek  ghadi  ki tarah chalaya gya. Jisse  raaste mein hone wali accidents par thoda kaaboo paya ja sake. Is dauraan 1996 mein ise sabse  pahle  Hampton aur Virginia  mein lagaya gaya. Jisse  accidents mein kafi  kami payi gyi. Iske  baad dheere-dheere  kai desho ne ise apna liya. Jise aaj yeh traffic lights kai shaandaar  functions ke saath  kaam kar rahi hain.

Traffic light banane ka idea  England ki  den  :- 

England mein pahli baar 1868 mein Traffic light ka aavishkaar  kiya gya tha, Lekin is dauran ek police  officer  ki  maut  ho jane  par  ise  banane  ka  khyaal chhod dena pada. Oos  samay huye research ka idea bhi kafi original tha. Oos samay vaha Ghodagadhi, Maal dhone wale rehdo  aur  paidal chalne  wale  musaafiro ka traffic control  karna  hota tha. Is dauraan is project par kafi secret taur se kaam chal raha tha. Iske baad  yeh project leak ho gya  aur jo police  officer ise  bana raha tha, Uska murder ho gya. Iske baad  yeh project band  ho gya. Phir  uske baad England  ne  1926 mein America ki banayi hui traffic lights ka istemal kiya.