Revision karne ke sahi tarike.

Kisi bhi exam ko pass karne ki taiyaari ka important part hain revision. Mostly Students iska matlab taiyaar kiye gaye notes ke panne ko palatna mante hain, Jabki aisa nahi hota hain, yeh revision karne ka sahi tarika nahi hain. Jiski wajah se Result mein good marks nahi milte hain. Revision ke in tips ko apna kar aap koi bhi exam pass ya crack kar sakte hain. Revision tips in Hindi.

To jante hain Revision karne ke sahi tariko ke bare mein :-

• Revision karne ke liye sahi time table banaye aur usay follow kare.

• Revision karne ke liye summary note taiyaar karna sabse jaroori hain. Chote-chote notes ke saath subjects ko points mein likhe. Drawing ka bhi sahara le sakte hain.

• Kabhi bhi shor-gul ke mahaul mein revision na kare.

• Padhai ko lekar ghabrana chhod de. Kisi tarah ke pressure mein na rahe. Refresh hone aur confidence banaye rakhne ke liye exercise kare.

• Apni taraf se model test paper taiyaar kare aur inko ek time limit mein solve karke dekhe. Is practise se aap jaan payenge ki aapki taiyaari ka level kya hain aur aapko kin-kin subjects ko dohrane ki jaroorat hain.

• Kuch cheezo ko aap chahe toh bolkar record bhi kar sakte hain. Isse aapko har jagah Copy ya book saath lekar chalne ki jaroorat nahi rahegi aur mauka milne par aap kanhi bhi apne concepts ko dohra sakte hain.

• Khud ko yeh kah kar kosna band kare ki waqt rahte mehnat nahi ki. Exam se pahle jo topic aate ho, unhe acchi tarah se dohra le. Itne mein bhi aap accha score kar sakte hain.

• Apne study room ke deewar par ek bade chart paper par concepts ke chote notes laga sakte hain. Isse aapko topic dohrane mein jyada mehnat nahi karni padegi.

• Revision ke waqt dimaag par stress na dale. Har ghante ke baad 5-7 minutes ka break lekar taiyaari kare.

• Revision karne ke liye aap dosto aur teachers ki bhi madad le sakte hain, ve aapke weak points ko strong karne mein madad karenge.