Nail Polish lagane ke nuksan. Side effects of Nail Polish in Hindi/Urdu.

Ladies khoobsurat dikhne ke liye nail polish ka istemal jaroor hi karti hain. Lekin kya aapko maloom hain ki beauty product ke roop mein pahchan bana chuki nail polish bhi khatarnaak saabit ho sakti hain. Janiye Nail polish mein kitne khatarnaak chemicals hote hain jo aapko nuksan pahucha sakte hain. Nail polish lagane ke nuksan (Side-effects of Nail Polish in Hindi/Urdu.)

Darasal Nail polish mein mauzood chemicals eye aur skin ke contact mein aane par health par bahut bura asar daalte hain. Nail polish ya Kisi bhi dusre colourful beauty product ko banane ke liye Formaldehyde chemical ka istemal hota hain, Yeh chemical beauty product ko chipchipa banane ke liye istemal hota hain. Skin ke contact mein aane se aapko khujali ki problem ho jati hain. Isse allergy bhi ho sakti hain.

Nail polish mein Phthalates naam ka ek oily chemical hota hain, Jo lagate waqt isme crack nahi padne deta hain. Lekin jab yeh aankho aur mooh ke contact mein aata hain to infection hone ka khatra badh jata hain. Iski wajah se naak aur gale ke infection hote hain.

Nail polish mein Toluene chemical sabse khatarnaak chemical hota hain. Iska istemal sabhi chemical ko ek saath mix karne ke liye kiya jata hain. Toluene se dimaag ko sabse zyada nuksan hota hain. Zyada der tak toluene soonghne se brain cells mar jate hain. Toluene ka istemal deewar aur gaadiyo ko rangne wale paint mein bhi istemal kiya jata hain.

Yahi wajah hain ki dewaar aur gaadiyo ko rangte waqt log mask pahante hain. Isliye nail polish bhi paint ki tarah hi khatarnaak hain to agli baar jab aap ise lagati hain to ise apni aankh, tavcha, naak aur mooh se door rakhe, ho sake to nail polish lagate waqt mask pahne, yeh ek accha upay hoga.

Nail polish lagane wali mahilaon par ek research kiya gya aur paya gya ki nail polish lagane se unhe kya-kya nuksan ho sakte hain. :-

○ Cancer hone ka khatra ;- Formaldehyde aisa chemical hota hain jo cancer paida karne wala mana gya hain. Isse cancer se bante hain.

○ Reedh ki haddi par asar padta hain :- Neurotoxins aise zehreele chemical hote hain jo direct brain par asar daalte hain. Iske alawa yeh reedh ki haddi ko bhi nuksan pahuchate hain. Nervous system ko bhi nuksaan pahuchane ke liye yeh chemical jana jata hain.

○ Triphenyl phosphate hota hain :- Nail polish ke label par kanhi bhi Triphenyl phosphate ka zikr nahi kiya jata hain. Lekin sacchai yeh hain ki nail polish banane ke liye yeh zehreela chemical istemal hota hain.

○ Gale ka infection :- Nail polish lagane ka sabse bura side-effect gale ke infection ke taur par saamne aata hain. Nail polish lagane ke 10 ghante baad gale mein kharash aur sujan jaise lakshan dekhe ja sakte hain. Iske alawa skin mein khujali bhi ho sakti hain.

○ Chhote baccho ke liye nuksandeh :- Nail polish mein paya jane wala Toluene chemical maa ke doodh ke saath mil jata hain. Brest feeding karwane wali maao se yeh bacche mein chala jata hain. Isse bacche ke vikas par direct asar padta hain.

○ Brain par bura asar daale :- Isme paye jane wale chemical jab body ke ander chale jate hain to dimaag aur nervous system par bura asar daalte hain. Pet ke pachna tantra aur hormone system mein gadbadi paida kar dete hain.