Agar ATM se nikal aaye Nakli (Fake) note toh turant kare yeh kaam.

Kya aapko pata hain ki kabhi-kabhi ATM se nakli note bhi nikal sakta hain. Jab ATM se nakali note nikle to kya karna chahiye? ATM se Fake currency nikalne ki shikayat har din kanhi na kanhi jaroor hoti hain. Jyadatar Bank ATM se Jaali Note nikalne ki baat ko accept nahi karte hain. Jis wajah se customer ko kafi nuksan uthana padta hain. Iske alawa kai baar ATM se Kate-phate, Stample lage Note bhi nikal jate hain, Jisse kai problems ka saamna karna padta hain.

Jab nikale ATM se nakli note toh turant follow kare yeh tips :-

• ATM Guard se complaint kare :- Agar ATM se cash withdraw karte waqt Nakli note nikal aaya ho toh aap ATM mein mauzood Guard se iske baare mein complaint kare. ATM guard ke paas ek register hota hain, Jis par Aapko Note ka number, Transaction ID, Date & Time likh kar sign karna hota hain. Aap oos register par Guard ke bhi sign karwaye. Phir apni Complaint ki ek photo Mobile se le aur Jis branch se veh ATM Connected hain, Vaha par jakar Manager se bhi apni problem share kare. Nakli note nikalne ki complaint Written mein bhi darz karwaye.

• Palla Jhaad sakta hain Bank :- Kai baar ATM se nakli note nikalne ke alawa phate purane kate aur staple kiye note bhi nikal aate hain. ATM ke guard ya Bank mein shikayat karne par dono hi palla jhaad lete hain. In notes ka ATM se nikalne ke baad Bank yeh kahkar mana kar dete hain ki Vah toh Machine mein sirf Naye Note hi daalte hain, Jo ki ek hi serial number wali serious hoti hain, Isliye aisa nahi ho sakta hain.

• Bank dega aapko naya Note :- Reserve Bank ko India ki guidelines ke according Har Bank mein Fake currency ki jaanch ke liye Scanner lagana jaroori hain. Aapki complaint par Bank Note ki jaanch karega. Agar hakikat mein Nakli note payega toh usay Vaapis le lega aur Apni Currency chest mein bhej dega. Jaha par Note ko damage kar diya jayega. Iske badle mein Bank aapko apni taraf se naya note dega.

• FIR register karwaye :- Fake currency nikalne ke case mein aap Police mein jakar F.I.R. bhi registered karwa sakte hain. FIR register karwaate time police ko saare proof de. Nakli note ko rakhna ya usay bazaar mein chalana ek crime hain. Agar aapki wajah se koi pakda jata hain toh usay Jail bhi jana pad sakta hain. Police aapse kai question puchegi aur phir apni jaanch karegi. Jaanch ke dauran police aapko bewajah tang nahi karegi aur Bank bhi aapke upar kisi tarah ka galat iljaam nahi laga sakta hain.

• Bank ki hi hain jimmevaari :- Bank apni jimmevaariyo se bach nahi sakte hain. Yeh bank ki hi responsibility hain ki veh ATM mein Sahi Note rakhe. Related Bank aur RBI ko iske baare mein written mein report kare. RBI ko aap uski Website www.rbi.org.in par Public ke liye bane complaint section mein jakar complaint kare. Apne complaint mein kharab note ki photo, transaction slip ki photocopy ko bhi is complaint ke saath attach kare. RBI aapki shikayat par Bank ke against action lega aur Currency note ke barabar Amount ki payment karne ke liye kahega. Isliye Phate note ATM se nikalne par pahle bank branch mein usay change karne ke liye kahe, agar bank wale na mane to RBI se complaint kare.

• RBI ko mail kare :- Kai baar bank in matters mein complaint darz karne mein anakani karte hain. Aise mein aap RBI ke paas written mein apni complaint register karwa sakte hain. Iske liye RBI ki taraf se niyukt Banking Lokpal mein Complaint send karni padegi. RBI ke sabhi regional offices mein iske liye alag se department bana hua hain. Aap RBI ko Email bhi send kar sakte hain. E-Address RBI ki Website aur Bank branch mein likha hua mil jayega.