Sookhi khansi se rahat dilaane wale gharelu nuskhe aur upay.

Kya aapko bhi Sukhi khansi ho gyi hain aur aap iski wajah se preshan ho rahe hain toh ghabrayiye nahi aaj hum aapko Dry cough se aaram dilane wale gharelu nuskho ke baare mein batayenge. Home remedies for Dry cough in Hindi/Urdu.

Aaj ke samay mein logo ko health se related kai saari problems ko face karna padta hain, Jisme se Dry cough yani ki sukhi khansi bhi ek aam bimari hain. Ayurveda mein aapko har bimari ka ilaj milega, Isme sookhi khansi ka treatment bhi diya hua hain. Agar aap kai dino se sookhi khansi se preshan hain toh in upay ko ajmayiye.

Dry cough hone ke kai saare reason ho sakte hain, Jaise Viral Infection, Sardi, Flu, Smoking ya dusri bimariya jaise T.B., Asthma ya Fefdo ka cancer aadi. Sookhi khansi se chhutkara paane ke liye aap gharelu ilaj ko apna sakte hain, Yeh kafi faydemand hota hain aur iske side-effects bhi nahi hote hain. Aaiye jante hain Sookhi khansi door karne ke natural tarike aur upay :-

• Lahsun :- Yeh Antibacterial hota hain jo gale ki khansi ko turant gayab kar deta hain. 1 Cup paani mein 2 ya 3 Lahsun ki kaliyo ko ubaale aur phir is paani ko halka thanda hone par isme Shahad mila kar pijiye. Aapko gale ki kharash se bhi rahat milegi.

• Tulsi ke patte :- Tulsi ke patte ko pees kar uska ras nikaal le aur phir is ras mein Adrak ka ras aur Shahad mix karke piye. Yeh sookhi khansi ka Ramban upchar mana gya hain.

• Shahad :- Honey mein aise enzymes paye jate hain jo cough se kafi rahat dilate hain. Sookhee khansi ko door karne ke liye aap 1 chammach Shahad Din mein 3 time khaye. Yakinan yeh aapko sookhi khansi mein aaram dilayega.

• Haldi :- Ek cup paani mein 1 chota chammach Haldi aur 1 chota chammach peesi huyi Kali Mirch mix kare aur usay ubaale. Aap isme thodi Dalchini bhi daal sakte hain. Ise ubaale aur phir ise dheere-dheere piye aur isse aapko kafi fayda hoga. Jab tak aapko sookhi khansi se chhutkara na mil jaye, is nuskhe ka istemal karte rahe.

• Pyaaz :- Aadha chammach Pyaaz ke ras mein 1 choti chammach Shahad mix karke din mein 2 baar chaatne se bhi fayda hota hain.

• Garm paani se garara kare :- Jab aap paani mein namak mila kar garara karte hain toh aapko Gale ke dard aur sookhi khansi se turant hi rahat mil jati hain. Ek glass garm paani mein Namak mila kar Subah-shaam garara kare, isse aapko kafi fayda hota hain.

• Nimbu :- 2 Chammach Nimbu ke ras mein 1 chammach Shahad mix kijiye aur ise din mein kai baar pijiye. Isse gale ki kharash door ho jayegi.

• Kali Mirch :- Kali mirch ko pees kar desi ghee mein bhoon kar khane se gale ko kafi aaram milta hain.

• Adrak :- Adrak ko paani mein ubaal kar usme 2 chammach Shahad mila kar din mein 3 baar peene se bhi fayda hota hain.

• Herbal Tea :- Tulsi, Adrak aur Kali mirch ki Chaay ko khansi ke liye sabse accha ilaj mana jata hain.