Jyada Coffee peena aapke liye nahi hain sahi.

Coffee peena agar aapko bahut jyada  pasand hain toh saavdhaan ho jayiye. Kai log apne din ki shuruvaat Coffee pee kar  karte  hain aur  kai aise hain jo raat ko cofee peekar  sote  hain. Coffe  peena aapke  liye  faydemand  hoti hain, lekin iska  matalab yeh nahi hain ki yeh aapko nuksaan nahi pahucha sakti hain. Agar  aap jyada matra mein coffee  ka sewan  karte hain toh yeh  aapko kai  tarah  ki  preshaniya deti hain. Jaroorat se jyada coffee peena sehat ke liye  accha nahi hota hain. 

Aaiye aaj hum jante hain ki  jyada coffee peene se  sehat ko  kya-kya nuksaan hote hain. What is the  side-effects  of  Coffee in Hindi/Urdu. Coffee  peene  ke nuksaan kya hain? Aaiye  jante  hain :- 

1. Pregnant woman ko nahi peeni chahiye coffee :- Pregnant aurto  ko coffee peeni chahiye  ya nahi is baat ko lekar experts ki ek raay nahi hain. Coffe  peene se bhroon caffeine ke contact mein aata hain aur garbh mein  pal rahe  bacche  iske  prati  kafi sensitive  hote  hain. Pregnant woman ko ya toh coffee peena chhodne  ki salah di jati hain ya phir  iski matra ko kam karne ki salah di jati hain. Stanpaan karwane  wali mahilaon ko bhi coffee  na peene  ki salah di jati hain, Kyonki isse unke bacche chidchide  aur bechain ho jate  hain. 

2. Haddiya banaati hain kamjor  :- Coffee  peene  se Calcium gheesne lagta hain aur yeh  peshab  ke  jariye  aapke sharir se bahar nikal jata hain. Isliye coffee ke jyada  sewan se haddiyo mein  kamjori  aane ki sambhavna rahti hain. Kareeb 1000 aisi ladies par research  ki gyi jinke  periods band ho chuki thi. Isse yeh pata chala ki jyada coffee peene  se unki bone  density kam ho gyi thi. 

3. Acidity paida karti hain :- Coffee peene se pet mein kai  saari problems paida ho sakti hain. Coffee ek  acidic drink hain aur yeh pet mein dikkat paida karta hain. Isliye  jin logo ko  ulcer ki problem ho, unhe  toh  bhai coffee  se  door hi rahna chahiye. 

4. Jhurriya paida karti hain :- Sharir se paani khatm ho jane ka sabse bura effect yahi hota hain. Skin mein agar moisturize rahe  toh veh jawan aur  fresh dikhayi deti hain. Jabki dry skin kadak aur jhurriyo se bhari hoti hain. Isliye jitni coffee piye, Paani  bhi usse jyada piye, nahi toh  aapki skin par jhurriya paida ho jayengi. 

5. Cholesterol badhaati hain :- Coffee  beans mein cafestol aur kahweol naam ke 2 chemical hote hain, jo Bad Cholesterol ko badhaate hain. Coffee ko filter  karne  se inse bacha ja  sakta hain. Isliye jo log french press Coffee ya  Turkish coffee  peena pasand  karte hain, Unhe  filtered  coffee peeni chahiye. 

6. Seer dard  paida kar  sakti hain :- Coffee Diuretic hoti hain, yani ki yeh aapki body se  paani ko sookha deti hain. Agar coffee peene  ke baad aapko seer dard ki problem ho, toh kuch der mein  1 ya 2 glass paani peene ki  aadat  jaroor daale. 

7. Jyada coffee aapki jaan bhi le sakti hain :- Kisi bhi cheez ki ati bahut buri maanti jati hain aur coffee bhi inme se ek hain. Caffeine ke overdose hone ki wajah se  khas karke America  mein kai logo  ki jaan ja chuki hain. Haan, yeh sach hain ki overdose  tak  pahuchne ke  liye  aapko kai  cup coffee  peene ki jaroorat padti hain, Lekin Aisa hone  ke  kai saboot mile hain, jinhone bahut jyada cup coffee pee  aur veh mar gye. 

8. Coffee se ho sakti  hain jodo ki problems :- Finland  mein ek research mein  yeh paya gya  ki  jo log rojana  4 ya usse  jyada baar coffee  peete  thay, unme Jodo ki problems  payi gyi. Researchers  ka manna yeh hain ki jodo  ki preshani khas karke  unfiltered coffee peene se  jyada hoti hain. 

9. Raat mein neend nahi aane deti :- Aapne shayad  gaur  nahi kiya hoga ki raat ya shaam ke waqt coffee  peene se  aapko sone mein  dikkat hoti hain. Halaki yeh iss baat par depend karta hain ki kisi aadmi ki body coffee  ke kitne  cup peene  ke baad  caffeine  ke prati kitna  sensitive  hain. Lekin dophar  ke 3 baje ke baad  caffeine ka sewan na karne ki  salah di jati hain, kyonki isse aapke body clock ka rhythm bigadta hain. Caffeine ka asar khatm hone mein  lagbhag 6 ghante ka samay lagta hain.  

10. Daanto par dhabbe  paida karta hain :- Coffee mein kuch pigments hote hain jo aapke daanto ke upari  parat  mein sama jate hain aur daanto par permanent peele dhabbe chhod  dete  hain. Coffee acidic hoti hain aur aapke daanto  ke  enamel ko kharaab kar sakti hain. Isliye coffee peene ke turant baad  brush karne  ko bhi sahi nahi mana jata hain. Halaki coffee peene  ke baad  aap mooh ko paani se saaf  kar aadhe ghante baad brush  kar sakte hain.