Diabetes ke mareez yeh phal kha sakte hain.

Yadi aap Diabetes ke mareez hain to aapke mann mein yeh aksar swaal uthta hoga ki Diabetes (Madhumeh, Sugar) rog mein kaun se phal kha sakte hain ya is bimari mein kaun se phal (Fruit) khane se hame koi nuksaan nahi hoga. Experts kahte hain ki diabetes (madhumeh / sugar) rog hone ke baad aap phal kha sakte hain, lekin sahi matra mein. Aise phal jaise Kela, Leechi, Chikoo, Custard Apple aadi ko khane se bachna chahiye. 

Aaj hum aapko kuch aise phal (Fruits) ke baare mein batane ja rahe hain, Jiska sewan diabetes ke mareez aaram se kar sakte hain. Darasal madhumeh ke rogiyo ko fibers se yukt phal jaise Tarbooz, Kharbooja, Papita, Seb aur Strawberry aadi khane chahiye. In fruits se blood sugar level control mein rahta hain, Isliye inhe khane se koi nuksaan nahi hota hain. 

Madhumeh ke rogiyo ko phalo ka juice nahi peena chahiye, Kyonki ek to isme chini dali jati hain aur dusra isme se guda hata diya jata hain, jisse sharir ko fiber nahi mil pata hain. To aaiye jante hain Diabetes (Madhumeh, Sugar) ke rogiyo ko kaun-kaun se phal (Fruits) khane chahiye ya veh kaun se phal kha sakte hain.  

Nashpati :- Isme khoob saara fiber aur Vitamin paya jata hain jo madhumeh rogiyo ke liye faydemand hain. 

Papita :- Isme Vitamin aur kai tarah ke minerals paye jate hain. 

Anar :- Yeh phal bhi badhe huye blood sugar level ko kam karne mein asardar hain. 

Angoor :- Angoor ka sewan madhumeh ki ek mukhya wajah Metabolic syndrome ke khatre se bachata hain. Angoor sharir mein glucose ke level ko control karta hain. 

Ananas :- Isme Anti-Bacterial tatv hote hain jo sharir ki sujan ko kam karne mein kargar hain. Yeh sharir ko puri tarah se fayda pahuchata hain. 

Amarakh (Star Fruit) :- Yadi aapko diabetes hain to aap yeh phal aaram se kha sakte hain. Lekin agar aapko Kidney rog bhi hain to ise khane se pahle doctor ki salah jaroor le.

Cheery :- Isme GI mulya 20 hota hain jo ki bahut kam mana jata hain. Yeh diabetes patient ke liye bahut hi healthy mani jati hain.

Santra :- Yeh phal roj khane se Vitamin C ki matra badhegi aur madhumeh sahi hoga.

Kathal :- Yeh phal insulin level ko kam karta hain kyonki isme Vitamin A, C, Thiamine, Niacin, Riboflavin, Calcium, Potassium, Iron, Magnesium aur kai tarah ke minerals paye jate hain.

Seb :- Seb mein Anti-oxidants hote hain jo cholesterol level ko kam karta hain aur immunity power ko badhata hain.

Aadoo :- Is phal mein bhi GI bahut kam hota hain aur diabetes ke mareezo ke liye Aadoo behad faydemand mana jata hain.

Kiwi :- Kai researches ke baad yeh baat samne aayi hain ki Kiwi khane se blood sugar level kam hota hain.

Tarbooz :- Yadi ise sahi matra mein khaya jaye to yeh phal madhumeh rogiyo ke liye faydemand sabit ho sakta hain.

Kharbooja :- Isme Glycemic index jyada hone ke bawjood bhi Fiber ki matra behad acchi hoti hain, Isliye yadi ise sahi matra mein khaya jaye to behtar hoga.

Amrood :- Amrood mein Vitamin A aur Vitamin C ke alawa Fiber bhi hota hain.

Anjeer :- Isme mauzood Fibers diabetes patients ke sharir mein insulin ke kaam ko badhawa dete hain.

Amla :- Is phal mein Vitamin C aur Fiber hota hain Jo Sugar ke mareez ke liye accha mana jata hain.

Kali Jamun :- Madhumeh ke rogiyo ke liye yeh phal bahut hi labhkari hain. Iske beejo ko pees kar khane se madhumeh control hota hain.