Sharab se jude kuch bhram aur Satya (Myths & facts of Alcohol)

Kya aap Sharab (Wine) se jude bhram aur iske satya ke baare mein janana chahte hain. Kya aapko pata hain ki Alcohol ke kaun-kaun se myths hain aur asal mein unke facts kya hain? Agar nahi to is post ko padhe aur janiye ki sharab se jude myths jo ki hakikat mein galat hain.

Aayiye jante hain Sharab se jude logo mein ke waham aur unki hakikat. Sharab se related bhram aur sach.

Myth :- Purani sharab (Old Wine) jyada acchi hoti hain.

Fact :- Mana ki kuch best wine hundreds year purain hain, Lekin jyadatar Wine 1 ya 2 saal ke under peene ke liye taiyaar ki jati hain, Matlab ki Sharab ki expiry date amooman 2 saal tak mani ja sakti hain. Inhe lambe samay tak rakhne se na hi inki gunvatta mein ijapha hoga aur nahi inke swaad mein.

Myth :-  Peene se pahle khana kha lene ke baad sharab nahi chhadhti hain. 

Fact :- Sharab Stomach Lining ke jariye khoon mein samaati hain. Bhare pet yeh thoda dheere-dheere hoga, lekin jaise hi aapka pet khali ho jayega, yeh process tezi pakad legi. Kisi bhi surat mein aap par sharab ka khumar chadh kar hi rahega.

Myth :- Darker Alcohols healthy hote hain.

Fact :- Darker Whiskey aur Darker Beers jaise Darker Alcohols mein jyada Anti-Oxidants hote hain, Lekin unme jyada Congeners bhi hote hain. Congeners veh Toxic Element hote hain jo sharab banane ke process mein bante hain. Saath hi, Darker Alcohols mein Calorie bhi jyada hoti hain.

Myth :- Ulti kar dene se sharab nahi chhadhti.

Fact :- Halak se neeche utarte hi Sharab khoon mein samaana shuru ho jati hain. Jab tak aap Ulti karenge, Tab tak itni sharab aapke khoon mein sama chuki hogi, Jisse aapka Hangover hona tay hain. Ulti karne se thodi si sharab bahar nikal jayegi, Jisse aapka Hangover aur bura nahi hoga, Lekin hangover ke chances puri tarah se khatm ho jayenge, aisa possible nahi hain. 

Myth :- Sharab peene se acchi neend aati hain.

Fact :- Sharab peene se aapko neend to aa sakti hain, Lekin veh acchi neend nahi hoti aur jab veh neend tootati hain tab aap fresh bhi feel nahi karte.

Myth :- Jin logo ko sharab der se chadhti hain, veh behichak pee sakte hain.

Fact :- Agar aapko sharab der se chadhti hain, Iska matlab yeh nahi hain aap jyada pee sakte hain. Der se chadhne ka matlab yeh hain ki aapki body aapko jaroori indication nahi de rahi hain, Ki kab aapko peena band kar dena chahiye. Yeh aapke liye jyada nuksandayak hain.

Myth :- Energy Drinks ke saath sharab peene se nasha aur chadhta hain.

Fact :- Energy Drinks mein Caffeine hoti hain, Jisse aap energetic feel karte hain, Lekin iska aapki khumari se kuch lena-dena nahi hain. Sharab mein Energy Drink milane se aapko mahsoos hi nahi ho pata ki aap kitna pee chuke hain aur kitne thake huye hain. Isse aap limit se kanhi jyada pee lete hain.

Myth :- Kabhi-Kabhi peene se kuch nahi hota.

Fact :- Rojana ke hisaab se Alcohol ki recommended limit aurto ke liye 1 drink aur purusho ke liye 2 drink ki hain. Agar aap Weekdays par nahi peete hain aur Weekend par bottles par bottles kholte hain, to yeh aapki sehat par bura asar dal sakta hain.