Methi ka saag hain guno ka khazana.

Methi ka saag khane ke fayde (Benefits of Fenugreek Leaves in Hindi), Methi ke patte ke fayde aur labh aur methi ke gharelu upay aur nuskhe aadi janne ke liye yeh post jaroor padhe.

Methi ke beej ho ya iske patte dono hi pet se judi problems ko door karne mein kargar hain. Yaha tak ki kai tarah ki  dawaaiyo ko banane mein bhi inka istemal kiya jata hain. Sirf digestion ke liye hi nahi, Balki methi khana Skin aur baalo ke liye bhi accha hota hain. Lekin pregnancy mein ise  khana khatarnaak ho sakta hain. 

Aaiye  jante hain Methi ka Saag (Patte) khane  ke fayde  aur uske gharelu nuskhe aur  upay jinhe jyadatar  log nahi jante hain. 

Digestion banaye strong :- Methi ke beej ya patte Fiber aur Anti-Oxidants se bharpoor hote hain, Jise khane se sharir ke ander ki gandagi  ko asaani se bahar  nikaala ja  sakta hain. Pet dard ya digestion kharab hone par Methi ke patto ko chai mein mila kar piye, aaram milega. Iske saath hi patto ko raat bhar paani mein bhigo kar  subah iska paani peene se kabz ki samsya door hoti hain. 

Colon Cancer se bachaav :- Jitna ho sake Methi ke saag aur Beej ko apni diet mein shamil kare. Kyonki iska fiber tatv body ko detox karta hain. Jisse colon cancer hone ki sambhavna kam hoti hain. 

Heart Problem rakhe door :- Methi mein mauzood Galactomannan, Heart ko healthy rakhne ka kaam karta hain. Saath hi Fenugreek Leaves mein Potassium bhi acchi khasi matra mein mauzood rahta hain, Jo Heart Rate aur Blood pressure ko control karti hain, jisse high aur low BP ki shikayat nahi hoti hain. Isliye  Methi ka saag heart ki problems ko door karne ke liye bahut hi faydemand hain. 

Baalo ki problems  ko door kare  :- Diet mein Methi ke patte shamil kare aur saath hi iska paste bhi baalo ki jado mein lagaye. Isse baal kaale, Ghane aur chamakdaar nazar aate hain. Methi ke beejo ko raat bhar Nariyal ke tel mein bhigo kar rakhe  aur subah is tel se seer ki maalish  kare. Bahut hi jald asar dikhayi dene  lagega. 

Diabetes ka ilaj :- Methi aur Dalchini mein paya jane wala tatv lagbhag ek jaise hote  hain. Inka Anti-Diabetic tatv body mein glucose level ko badhne  nahi deta hain. Isliye Methi ki bhaaji ko jaroor  khaye yeh Type-2 diabetes ke mareezo ke  liye faydemand hota hain. 

Bukhaar mein  faydemand  :- Ek chammach Methi ko Nimbu aur shahad ke saath khaye, jisse body ko androoni  nutrients  milta hain aur bukhaar mein aaram milta hain. Cough aur gale  dard  ki samsya mein bhi Methi khana faydemand  hota hain. 

Gas ki samsya door kare :- Methi ke patte  Liver ke functions ko  sahi rakhne  ke saath Dyspepsia ki problem se bhi chhutkara dilaate hain. Gas ki problem se lagatar preshan hain toh Methi ke  patte  diet mein shamil kare. Itna hi nahi Methi  ke patte  Diarrhea  aur Dysentery ka behatarin ilaj bhi hain. Methi aanto  ko detox karne  ka kaam karta hain. Kisi bhi tarah ki allergy ho ya saans lene mein preshani, sabhi tarah ke rog isse door ho jate  hain. 

Skin ke liye faydemand  :- Vitamin C bahut hi accha Anti-oxidant hota hain, iske saath hi iska Anti-Inflammatory  gun kai tarah  ke  skin problems se  nipatne mein kargar hota hain. Daag-dhabbo ko door karke  chehre  ki rangat  nikhaarta  hain. Sujan ki samsya hone  par Methi ko bhigo  kar  kisi kapde mein  baandh de aur Sujan wali jagah par lagaye. 

Cholesterol  level  balance  kare  :- Methi ke patte  Blood Vessels mein hone  wale  congestion ko bhi door karte  hain. Lipid ke utaar-chadhaav  ki samsya se preshan hain ya badhte  cholesterol se, Methi iska sabse  sahi ilaj hain. Yeh LDL, Triglyceride aur HDL in sabhi ko balance  karta hain. Raat bhar methi ke patto ko paani mein bhigo kar rakh de aur subah inka paani nikaal kar ise khaye. 

Pimples aur moohase  kare  door :- Methi ko facepack mein istemal karke chehre par hone  wale Pimples-Moohase, Wrinkles  aur Black-Heads  se bachaya  ja sakta hain. Iske liye Methi ke patto  ko Paani ke saath ubaal kar usse chehre  ko dhoye. Iske alawa Methi  ke patto ka paste  bana kar  20 Minutes  tak  chehre par  lagaye. Chehre  par ek chamak nazar aayegi.  

Motapa  kam karne mein :- Exercise aur khan-pan mein saavdhaani bartane  ke baawjood  motapa control nahi ho raha ho toh subah khali pet  methi ke beejo ko khana shuru kar de. Iska fiber tatv  pet bhare  hone  ka ahsaas dilata hain, jisse  khane  ka mann nahi karta  hain aur  jiske chalte  motapa dheere-dheere  kam ho jata hain. 

Acidity aur Seene ki jalan se chhutkara :- Bahut jyada tala-bhuna aur masaledaar khana aksar Acidity  ki wajah banta  hain, jisse  rahat dilane  ke liye methi ka istemal  faydemand rahta hain. Iske liye Methi ke patto ko paani mein thodi  der  tak  bhigoye  aur uske baad  iska istemal  kare.  

Methi khane  ka nuksaan bhi hain :- 

Miscarriage  aur Premature  Birth ka khatra :- Methi ka istemal Pregnancy  ke dauran  hone wale  Labor  Pain se  rahat dilata  hain. Lekin bahut jyada Methi  khane se Miscarriage aur Premature  Baby  hone  ke chances  badh jate hain. Isliye Pregnancy mein Methi ka bahut jyada istemal karne se bachna chahiye.