Shighrapatan ko door karne ke gharelu nuskhe aur upay.

Agar koi purush khud ko sex karne ke dauran jyada se jyada time tak discharge hone se rok kar rakhe, toh usay sex ka dugna maza mil sakta hain. Discharge lambe samay ke baad hona, aapke apne partner ke saath rishtey ko aur bhi madhur bana deta hain. Lekin afsos ki baat hain ki kai mardo mein shighrapatan ki problem hoti hain, jisse veh sex karte samay jaldi discharge ho jate hain aur lovemaking ko puri tarah se enjoy nahi karwa paate hain. 

Shighrapatan ki samsya badhti umar ke mardo mein sabse jyada hoti hain. Halaki yeh la-ilaj nahi hain, lekin isse peedit purusho mein self-confidence aur depression aana ek aam baat hain.

Agar koi purush is samsya se peedit hain toh usay doctor ke saamne khul kar apni problem ko batana chahiye aur apne partner se bhi is bare mein khul kar baat karni chahiye. Is problem ka hone ka matlab bilkul yeh nahi hain ki aapki sex life barbaad ho gyi hain, vaise kai gharelu nuskhe aur upay hain jo aapko is samsya se nijaat dilwa sakte hain.

Bhindi :- Bhindi se bana powder shighrapatan ki samsya mein ramban hota hain. Iske 10 gram powder ko le aur ek glass milk mein ghol kar pee jaye. Aap chahe toh isme 2 chammach shakkar bhi daal sakte hain aur ise har raat pee jaye. Aisa ek mahine tak kare, jaroor hi fayda hoga.

Ashawgandha :- Ashavgandha ek prachin aushidhi hain, jo Bharat mein kai saalo se famous hain. Isse kai tarah ki yaun samsyaein door hoti hain. Is herb ke sewan se libobo ki matra badhti hain, jo shighrapatan se aaram dilwata hain. Iske sewan se sharirik majbooti aati hain aur napunsakta bhi door ho jati hain.

Kaccha Lahsun :- Kachcha Lahsun purusho mein hone wali kai problems ko door karta hain. Din mein 4 kaliya chabaye. Isse is samsya se jaldi chhutkara mil jata hain. Aap chahe toh lahsun ki kali ko gaay ke desi ghee mein fry karke bhi kha sakte hain.

Pyaaz :- Pyaaz mein aise gun hote hain jo sharir ki yaun samsyaon ko door karte hain. Hara aur normal, dono hi tarah ke pyaaz faydemand hote hain. Hari pyaaz ke beej ko 1 glass paani mein ghol kar pee jaye. Ise khana khane se pahle le, isse sharir mein takat aati hain. Kachha pyaaz jyada khaye.

Natural Sexual booster :- Natural sex booster , aapki kaameksha mein sudhaar late hain aur aapki shigrapatan ki samsya ko door karne mein madad karte hain. Agar aap is samsya se joojh rahe hain toh sexual energy booster ke taur par aap Gajar, Saunf, Ajwain, Kela, Lahsun aadi khaye.

Gajar aur Anda :- 2 Gajar kaate aur usme 1 ubla Anda milaye. Isme 1 chammach shahad dale. Ise har din 3 mahine tak khaye. Apne aap aapko sex ke dauran thoda-thoda fark mahsoos hone lagega. Agar ek baar Premature Ejaculation ki problem control ho jati hain toh aap ko is upchar ko kam kar dena chahiye.

Adrak aur Shahad :- Adrak, Sharir mein garmi laati hain aur blood circulation sahi karti hain. Ek chammach Adrak paste le aur ise shahad ke saath chaate. Chahe toh doodh mein mila kar le sakte hain. Isse labh milta hain. Aisa sone jane se pahle kare.

Aaiye Shigrapatan ki problem ko door karne ke  gharelu nuskhe aur upay ka video dekhte  hain :-