Pairo ko saaf aur sunder banane ke gharelu nuskhe.

Kahte hain ki jo log apne pairo ko saaf rakhte hain, unhe kai tarah ki bimariya nahi hoti hain. Iske alawa pairo ko saaf rakhne se na sirf veh sunder lagenge, balki aapko phati aidiyo se sharminda bhi nahi hona padega. Doctors ke anusaar pair ki aidiyo ko saaf-suthara rakhna utna hi jaroori hain, jitna ki seer ke baalo ko shampoo karna. Isliye har aadmi ko apne pairo ko saaf karne ke liye 10 minutes ka waqt jaroor nikaalna chahiye. Aaj hum aapko batane ja rahe kuch aise nuskhe jinhe apnane se aapke pair bahut jaldi saaf ho jayenge.

• Nahane ke liye istemal karne wale shampoo wali jhaag se aap pairo ki aidiya bhi saaf kar sakte hain. 

• Agar aapko lagta hain aapke pair bahut jyada rookhe hain, toh Shahad ka istemal kare. Shahad se apne pairo ki 10 minutes tak massage kare. Iske baad inhe 10 minutes ke liye garm paani mein doboye aur phir brush se ghees kar saaf kare. 

• Pairo ko saaf karne ke liye daanedaar namak ka istemal kare. 

• Apne pairo ko paani se dho le aur tamatar ke chhilke se pairo ko ragde. Isse tanning mitati hain. 

• Jin logo ke pairo mein jyada paseena aata hain, unke liye sirka bahut hi accha upay hain. Apne pairo ko paani aur thode se sirke mein duboye aur phir 10 minutes baad pair dho le. 

• Pairo ko geela karke daanedaar cheeni se 10 minutes tak ragade. Phir pairo ko garm paani mein kuch der tak dubo kar rakhe. 

• Agar aap phati aidiyo se preshan hain toh oos par nimbu ragade. Iske saath hi halke garm paani mein ek nimbu nichod le. Iske baad apne pairo ko isme kuch der ke liye duboye. 

 • Pyaaz ka ras fati aidiyo ko theek karne mein vishesh labhkari hota hain. Hafte mein 2 baar pyaaz ka ras phati ediyo par jaroor lagana chahiye. 

• Santre ke ras mein bahut saara vitamin C hota hain. Agar aapke pair suraj ki dhoop mein jal gye hain, toh oon par santre ka ras lagayiye, 15 Minutes ke baad jab ras sookh jaye tab pairo ko saaf paani se dho lijiye.