Holi ko behtar dhang se manane ki tips.
Rang barse Bheege chunar wali rang barse, Yeh gaana toh maano holi ka dusra matlab ban gya hain. Bura na maano holi hain ke shor ke saath holi mein khoob masti hoti hain. Ab aapki in masti ka koi bura mane ya na mane lekin aapki sehat jaroor bura maan sakti hain. Holi aapke aur aapke aas paas ke logo ke liye kaise safe rango ke jariye manaye aaj hum aapko batane ja rahe hain. Sabse best hain ghar mein banaye gaye rang :-
Holi ka asli maja isi mein hain ki enjoy karne ke saath safety ka bhi khyaal rakha jaye. Iske liye ya toh herbal colours use kiye jaye ya phir ghar par bane rango ka istemal kiya jaye.
Lal rang ke liye chandan powder ko ajmaye. Rang ke saath iski khusboo bhi tyohaar ka anand badha degi. Anaar ke chilko ko paani mein ubaal kar badhiya lal rang mil sakta hain. Gulab ki sookhi pankhoodiyo se badhiya khusboodaar Lal rang ka powder banaya ja sakta hain.
Peele rang ke liye Haldi powder ka istemal kare ya phir isme thoda sa besan mila le. Gende ya tesu ke phoolo ko saari raat paani mein bhigo kar rakhe ya phir paani mein ubaal le, Isse aapko accha Peela rang mil jayega.
Chukander ka ek bada tukda kaat kar paani mein mila de. Yeh aapko behatarin pink colour dega.
Neele rango ke liye Indigo plant ki berries ya phir jakranda ke sookhe phool ko ajmaye.
Sookhe gulal ke liye gulab aur dusre kai phoolo ki pankhudiyo ko sookha le aur phir inka powder bana le.
Agar aap in natural rango ko taiyaar nahi kar paa rahe hain toh kisi bharosemand dukaan se acchi quality ke herbal colours khareede. Jyada gahre rang khareedne se bache.
Aankhein maan sakti hain bura :- Holi ke mauke par aane wale synthetic powder mein copper sulphate hota hain, jiski wajah se kuch time ke liye andhapan bhi ho sakta hain ya phir lambe time tak eye infection ho sakta hain. Rango ko chamkeela banane ke liye inme maica dala jata hain. Jo aankho ki cornea ko nuksaan pahucha sakte hain. Agar yeh colour aankh ke lens ke beech atak jaye, toh isse aankho mein infection ho sakta hain.
Corneal aberration hone par aankh mein paani aane ke saath tez dard hota hain. Agar iska ilaj theek se na kiya jaye toh infection hone ke baad ulcer hone ka khatra hota hain. Paani wale gubbare aankho ko khasa nuksaan pahucha sakte hain. Retina mein kharoch aa sakti hain. Aankh ke ander bleeding ho sakti hain. Ya phir lens apni jagah se hat sakte hain. Gubaaro ki chot se macula (aankh ka veh hissa jisse hame dekhne aur padhne mein madad milti hain) par bhi asar pad sakta hain.
Holy khelne jane se pahle :- Holi khelne ke dauran chehre ko bacha kar rakhe. Agar phir bhi koi aapke chehre ko target karta hain toh apni aankho aur hontho ko kas kar band karle.
Agar koi chehre par pani wala rang dalta hain, toh cornea aur iris jaise hisso ki safety ke liye aankho ko band rakhe.
Holi ke dauran agar ghar se bahar nikalna pade toh car ke sheeshe band rakhe. Holi khelne se pahle aankho ke aas-paas cold-cream ya phir nariyal ka tel acchi tarah se lagaye. Isse color asaani ke saath utar bhi jayega aur aankho ko nuksaan bhi nahi hoga.
Rango ko paani se aankho ko bachane ke liye sunglass ka istemal kare. Holi khelne se pahle contact lens bhi utaar de. Agar lens mein colour chala gya toh infection ho sakta hain. Rang hatane ke liye halke garam paani ka istemal kare aur is dauran apni aankhe band rakhe.
Saabun ki jagah acchi quality ka cleansing milk ka istemal kare. Aankho mein agar rang chala jaye toh jalan khatm hone tak lagatar ise saaf paani se dhote rahe, lekin aankho ko jyada na masle. Agar takhleef jyada hoti hain, toh fauran eye specialist ko dikhaye. Jyada der karne se aankho ki roshini par asar pad sakta hain. Aur haan bina doctor consultant ke apni aor se koi dawaai na le aur na hi aankho mein dale.
Holy khelne jane se pahle :- Holi khelne ke dauran chehre ko bacha kar rakhe. Agar phir bhi koi aapke chehre ko target karta hain toh apni aankho aur hontho ko kas kar band karle.
Agar koi chehre par pani wala rang dalta hain, toh cornea aur iris jaise hisso ki safety ke liye aankho ko band rakhe.
Holi ke dauran agar ghar se bahar nikalna pade toh car ke sheeshe band rakhe. Holi khelne se pahle aankho ke aas-paas cold-cream ya phir nariyal ka tel acchi tarah se lagaye. Isse color asaani ke saath utar bhi jayega aur aankho ko nuksaan bhi nahi hoga.
Rango ko paani se aankho ko bachane ke liye sunglass ka istemal kare. Holi khelne se pahle contact lens bhi utaar de. Agar lens mein colour chala gya toh infection ho sakta hain. Rang hatane ke liye halke garam paani ka istemal kare aur is dauran apni aankhe band rakhe.
Saabun ki jagah acchi quality ka cleansing milk ka istemal kare. Aankho mein agar rang chala jaye toh jalan khatm hone tak lagatar ise saaf paani se dhote rahe, lekin aankho ko jyada na masle. Agar takhleef jyada hoti hain, toh fauran eye specialist ko dikhaye. Jyada der karne se aankho ki roshini par asar pad sakta hain. Aur haan bina doctor consultant ke apni aor se koi dawaai na le aur na hi aankho mein dale.
Inhe banaye apni shield :-
• Aise kapde pahne jisse aapke sharir ka jyada se jyada hissa dhaka rahe.
• Baalo ko hat, cap ya kisi aur cheez se cover karke rakhe.
• Holi khelne ke liye herbal ya organic colours ko priority de.
• Holi khelne se kareeb aadha ghanta pahle good quality ka moisturizer ya oil (Baby, Badam ya Nariyal) lagaye. Itne waqt mein skin tel ko sokh legi. Iske baad aap holi khel sakte hain.
• Baalo ko bachaane ke liye serum ya tel lagaye. Iske baad ladies baalo ko acchi tarah se baandh le.
• Dhoop aur rang aksar mil kar phototoxic reaction banate hain, lihaza holi khelne ke aadha ghante pahle 30-50 SPF ka sunscreen jaroor lagaye.
• Dry se normal skin ke liye jyada SPF wala sunscreen lagaye. Isse sharir mein chiknaahat bani rahegi aur khurdure rang isko kam nuksaan pahucha payenge.
• Keel-moohanso ki samsya ho toh oil free sun-block chehre aur sharir par lagaye. Yeh skin ke liye security cover dega.
• Hontho ki safety ke liye petroleum jelly ya lip bam lagaye. Naakhoono par rango ki parat ko chadhne se bachaane ke liye holi khelne se pahle in par petroleum jelly ya phir transparent nail enamel ki layer lagaye.
• Holi ke rango ko chhudane ke liye PH balanced Saabun, Soap-Free Cleanser, Body Wash aur face wash ka istemal kare.
• Holi khelne ke baad baalo ko acche shampoo se wash kare aur saath hi conditioner bhi lagaye.
• Iske baad agar skin jyada rookhi ho ya phir burn ya rashes aate ho toh calamine lotion lagaye. Saath hi kisi Dermatologist (Skin Specialist) ki salah le.
Paani ki bachat kare :- Aksar log mante hain ki Eco-Friendly holi ka matlab natural colours se holi manana hain. Lekin paani ki bachat bhi ek pahlu hain. Ek anumaan ke mutabik holi ki masti mein ek shahar ek din mein kareeb 1.5 crore litter extra paani kharch kar deta hain. Sochiye yeh paani kaha waste hota hain ? Vahi experts ke anusaar jaha nahane mein roj 20 litter paani ka istemal hota hain. Agar holi chemical wale rango se kheli jati hain toh nahane mein kareeb 60 litter pani ka istemal hota hain. Sookhe rango aur gulal se holi khel kar lagbhag 40 litter paani ki bachat hum kar sakte hain.
Rang chhudane ke liye safe aur fast tarike :-
Holi ki masti tab bhari padti hain jab rang chhudane ki baari aati hain. Aaiye jante hain kuch khas tips , Jinse aapko holi khelne ke baad rang nikaalne mein madad milegi.
1. Besan aur dahi ka paste bana kar skin par lagaye. Kuch der baad paani se dho le.
2. Skin se colours hatane ke baad Anti-Septic aur moisturizer lagana na bhoole.
3. Methi powder aur dahi ka paste bana kar balo ko moisturize kare.
4. Rang chhudane ke liye nail paint remover ka katai istemal na kare.
5. Agar kisi ne chehre par oil paint laga diya hain toh nariyal ke tel mein bheegi rooi se halke haath se chehre ko saaf kare.
6. Sookhe gulal ko paani se saaf karne ki bajaye haath se jhaade. Paani padne se yeh bikhar jata hain.
7. Chehre par lage rang ko chhudane ke liye ise baar-baar na dhoye. Isse tavcha rookhi ho jayegi, jisse aur preshani ho sakti hain.
8. Rang hatane ke liye skin par nimbu ragde. Iske baad aate aur nariyal tel ka ubtan lagaye. Isse rang asaani se chhoot jayega.
9. Ubtan ke saath kuch ghante pahle bheegi huyi multani mitti ka pack lagane se bhi rang asaani se chhoot jate hain.
10. Amchoor powder ko kuch der ke liye bhigo de aur phir iski madad se rang chhudaye. Isse rang jaldi se halke pad jayenge.
11. Nimbu, Shahad, Doodh aur Badam ke powder ko mila kar paste taiyaar kare. Iski madad se rang jaldi chhoot jayenge.
12. Santre ke sookhe chhilke, Gulab Jal aur Nimbu ka ras mila kar lagane se rang asaani se chhootata hain.
13. Baalo par Ande ka peela hissa ya dahi lagakar 45 minutes tak chhod de. Uske baad kisi mild shampoo se dho le.
14. Do Chammach Methi aur 3 chammach bade shikakai powder mein Amla powder mila kar paani mein ubaale. Phir oos paani se apne baalo ko shampoo kare. Iske baad baalo par heena lagaye.
15. Chehre par saabun lagane se pahle nariyal tel lagane se rang asaani se utar jata hain.
16. Ek chota chammach Vinegar mein 3 chammach oil mila kar baalo mein lagaye isse baalo mein majbooti aayegi.
17. Holi ke din se 3-4 din pahle waxing, threading ya facial kisi bhi treatment karwane se bachna chahiye.
18. Holi ke 2-3 din pahle se shave karna band kar de toh behtar hoga. Isse chehre se rang nikaalne mein asaani hoti hain.
19. Agar moohase ho toh scrub na lagaye. Uski jagah kacche doodh aur besan ka paste bana kar halke haatho se lagane se rang asaani se nikal jata hain.
20. Aloe-Vera gel aur rose water ya kheere ke juice taiyaar rakhe. Agar rang se jalan ya khujali ho rahi ho toh inhe lagane aaram milta hain.
Bhaang ka nasha utaarne ki tips :-
Bhang ke bina holi ki masti adhoori hain, lekin yeh tab bhaari pad jati hain, jab bhang ka overdose ho jata hain. Lekin in gharelu nuskho ki madad se aap bhaang ka nasha jaldi se utaar sakte hain.
• 30 gram pakki imli ko 250 gram paani mein bhigo kar acchi tarah se chhan le. Phir isme imli ki barabar matra mein gud mila de. Bhaang ka nasha jyada chadh jane par yeh paani peene ko de.
• Bhang ka nasha utarne mein dahi ya chhach peena faydemand rahta hain.
• Nimbu bhi bhang ka nasha jaldi se utaar deta hain. Aisi situation mein nimbu choosne ya nimbu ka achaar khane ko de.
• Bhaang peene wala agar behoshi ki haalat mein hain, toh Sarso ke gungune tel ki kuch boonde uski dono kaano mein dale.
Holi ko lekar baccho ki safety ke tips :-
Holi par dhamaal machaane ki masti toh aapke bachho par khoob chadhi hogi. Gubbare, rang, pichari ke alawa unko kuch aur soojh nahi raha hoga. Lekin unhe is festival ke kuch niyal aur rules batane jaroori hain ;-
• Baccho ko bataye ki dusro par unki marzi ke beena rang daalna sahi nahi hain. Vahi baaki logo ko bhi samjhaye ki jabardasti baccho par rang na dale.
• Is baat ka dhyaan rakhe ki bacche rang na toh mooh ya na toh aankho mein dale. Agar aisa hota hain toh unko doctor ke paas le jaye.
• Baccho ko geele farsh par bhaagne se roke. Unko samjhaye ki is tarah veh fisal kar gir sakte hain aur unhe chot lag sakti hain. Chappal ki jagah unhe na fisalne wale shoes pahanaye.
• Festival ki masti mein unhe Ande, Mitti, Gattar ka paani aadi ke istemal karne se roke. Kabhi bhi is cheez ko lekar laparavaah na bane.
• Agar bacche ko moohase ya koi dusri skin problem hain toh usay jyada colours se na khelne de. Behatar hoga kisi skin specialist se iske bare mein salah le le.
• Baccho ko natural colours se holi khelne aur paani bachane ki salah de.
• Agar veh seedhe taur se baat nahi samajhte hain toh unko example dekar bataye ki chemical colours se unki skin aur baal kharab ho sakte hain, gubbaro se unki aankho ko nuksaan pahuch sakta hain.
• Agar aapke bacche chote hain toh parivaar ka koi member hamesha unke saath rahe.
• Saaf-suthari aur acchi holi khel kar khud bhi bacche ke liye misaal bane.
Post a Comment