Self confidence badhane ke tips.

Career mein success paane ke liye hard work aur dignity ki bahut jaroorat padti hain, Lekin in sabke alawa sabse jyada jaroori hain Self-Confidence. Yeh mushkil raaste ko bhi asaan bana deta hain. Kai baar opposite situation mein aatam-vishvaas dagmaga sa jata hain. Lekin agar aap kuch simple steps ko follow karenge toh hamesha Self-Confidence se aap bhare rah sakte hain. Jante hain Self-Confidence (Aatm-Vishvas) badhane ke kuch tips aur upay ke bare mein :- 

• Dressing Sense accha rakhe : - Aapke self confidence par aapke dressing sense ka bahut hi accha effect padta hain. Isliye aatm-vishavaash badhane ka first step yehi hain ki aap acchi tarah se taiyaar ho. Iska matlab hain ki aap aise kapde pahne, jo aap asaani ke saath carry kar sakte hain. Dhyaan rahe jitne jyada aap impressive dikhenge, aapke seniors par aapki baat ka asar utna hi jyada hoga. 

• Think before talk :- Aap jaise bolte, baat karte, sunane wala bhi vaise hi react karta hain. Isliye jo bhi kahe soch-samajh kar kahe. Apni baat ko kahne ke liye sahi words aur language ka istemal kare. Office mein mauzood kareebi dosto se bhi office mein baat karte time decorum ka khyaal rakhe. Professional aur personal level par baat-cheet ka andaaz alag hona chahiye. 

• Think Positive, Do Positive :- Self-Confidence badhane ke liye positive soch ka hona bahut hi jaroori hota hain. Ek positive mind har situation mein na sirf better perform karta hain balki dusro ko motivate bhi karta hain. Jab aap positive sochenge toh uska effect aapki personality par bhi padega aur aapke self-confidence ka level automatically badhta chala jayega. 

 • Learn to say “NO” :- Workplace par dusro ki help karna acchi baat hain, lekin iske chakkar mein apna nuksaan karna akalmandi ka kaam bilkul bhi nahi hain. Kai log khul kar kisi kaam ko mana nahi kar paate hain, jisse unhe baar-baar aisi situation se 2-4 hona padta hain, jo unke self-confidence aur self-respect dono ko gira deti hain. Aise mein hamesha oon cheezo ke liye aap ‘Na” kahna bahut hi jaroori hain, jo aapko pasand nahi hain ya phir jo aapke liye gair-jaroori hain. 

• Jaise hain, Vaise hi rahe :- Self-Confidence ka level badhane ke liye yeh sabse jaroori baat hain. Kuch log seniors ko impress karne ke liye Office mein mauzood smart logo ki tarah banane ki koshish karne lagte hain. Isse unke under mauzood quality sabke saamne nahi aa paati hain. Isliye aap jaise hain vaise hi rahe. Apni khoobiyo ko hamesha acchi tarah present kare aur khaamiyo ko kam karne ki koshish kare.