Masaledaar khana khane ke fayde.

Masaledaar aur chatpata khana hum sabhi Indians ki sabse pahli pasand hain. Spicy food khane wale iske flavour aur sensation ke deewane hote hain. Lekin agar aap iske taste ke karan ise pasand nahi karte hain toh in baato par nazar daaliye. Yeh spicy food jitne khane mein mazedaar hote hain utne health ke liye bhi faydemand hote hain. Aaiye jante hain Masaaledaar khana khana khane ke fayde ke bare mein (Health benefits of eating spicy food in Hindi) :- 

• Lambi umar ke liye :- China mein ek research mein yeh paya gya ki jo log rojana spicy food lete hain, unke jaldi marne ki aashanka 14% tak kam ho jati hain. Researchers ka kahna hain ki ise direct roop se lifespan se nahi joda ja sakta hain, lekin natize prenana dene wale hain. Masaledar bhojan karne ka fayda yeh hain ki yeh aapke zindagi ko 1-2 saal jyada badha dete hain.

• Pet ko aaraam :- Halaki masaledaar khana pet ke liye sahi nahi mana jata raha hain, Lekin ek nayi research mein yeh baat saamne aayi hain masaledaar khana produce giye gye gastric acid ki matra ko kam karta hain. Yeh peptic ulcer ke jokhim ko 53% tak kam karta hain.

• Calorie burn karne mein helpful :- Spicy food khate huye aapko jo paseena aata hain, veh apne asli maksad ko pura karta hain. Ek research ke mutabik spicy food lene par body ke calorie burn karne ki speed ko 8% tak increase kiya ja sakta hain. Yani ki iski garmi se aapke sharir ka metabolism tezi se kaam karta hain. Dusri study mein yeh paya gya ki jo log spicy appetiser consume karte hain, veh main course mein kam calorie consume karte hain. Isliye agar aap apna wajan kam karna chahte hain toh apni diet mein masaledaar bhojan jaroor shamil kare.

• Khushi deta hain :- Masaledaar bhojan aapke dimaag mein ‘Happy Hormone’ paida karta hain jaise ki serotonin jo depression, anxiety, anger aur stress se deal karta hain.

• Dard se rahat :- Capsaicin aapke nerve cell se dimaag ko bheje gye kuch signals ko rokta hain aur mahsoos ho sakne wale dard ke ahsaas ko khatm karta hain. Isliye capsaicin ko pain relief cream, patches aadi mein saamgri ke taur par istemal kiya jata hain.

• Heart ko protect karne mein helpful :- Kai researches mein yeh paya gya ki spicy diet lene wale oon desho mein spicy khana na khane wale desho ke compare kam heart attack hote hain. Iski wajah yeh hain ki Mirch ka sewan Bad Cholesterol ke effect ko kam karta hain. Iske alawa aapke mooh mein spicy food se hone wali burning effect ke liye jimmevar chemical capsaicin jalan se ladne mein madad karta hain.

• Cancer se ladta hain :- Kuch medical researches se yeh pata chala hain ki capsaicin ka kuch cancer cell par effect hota hain jo ki cancer fighting drugs ki tarah powerful hota hain. Yeh chemical itna powerful hain ki leukemic cells aur tumour ke growth ko dheere-dheere khatm kar deta hain.

• Poshak tatvo se bharpoor :- Rojana mirch khane se kuch poshak tatvo ko jaldi se paya ja sakta hain. Iske kai vitamins jaise A, C aur kuch minerals paye jate hain.