Patta Gobhi hain guno ka khazana.

Patta Gobhi jisko Band Gobhi bhi kaha jata hain, Is sabzi ke bahut hi adhik fayde hote hain. Patta Gobhi Brassicaceae family ki ek sabzi hain, is family mein aur bhi sabziya jaise phool gobhi, Brussels sprout aur broccoli aate hain. Patta gobhi ko English mein Cabbage kaha jata hain aur isse health ko bahut hi jyada benefits hote hain. Yeh sabzi badi aur phool ke size jaisi bade patto wali hoti hain. Yeh sabzi saal ke 12 mahine asaani ke saath market mein mil jati hain aur ise healthy diet ka ek jaroori hissa mana jata hain. 

Patta gobhi kai tarah ki hoti hain, Red aur Green Color ki patta gobhi sabse jyada milti hain, Patta gobhi ko aap sabzi bana kar ya phir kaccha salad ke roop mein bhi kisi bhi tarah se kha sakte hain. Patta gobhi ka taste halka sa sweet hota hain. Isme Vitamins, Fibers, Potassium, calcium aur bhi jaroori minerals bharpoor matra mein paye jate hain. Isse Indian, Chinese, Western sabhi tarah ke food banaye jate hain. Aaiye jante hain ki Patta Gobhi (Band Gobhi) hamare sehat ko kya kya fayde pahucha sakti hain, Ise khane ke kya fayde hote hain. Patta gobhi ke Benefits kya hain, Aaiye jante hain.

Patta gobhi khane se sehat ko hone wale labh :-

• Weight loss karne mein helpful :- Patta gobhi ek aisi sabzi hain jiske istemal se wajan bahut hi asaani ke saath kam kiya ja sakta hain. Ek cup patta gobhi mein only 33 calorie payi jati hain jo wazan ko badhne nahi deti hain. Patta Gobhi ka soup body ko energy dene ke saath weight loss karne mein bhi helpful hota hain. 

• Haddiya banaye strong :- Patta gobhi mein calcium bahut hi acchi quantity mein paya jata hain. Aapko toh pata hi hain aapki haddiya calcium se bani huyi hain, isliye calcium aapki haddiyo ke liye bahut hi jaroori tatv hain. Haddiyo ko strong banane ke liye patta gobhi ko aapki diet mein jaroor shamil karna chahiye. 

• Cancer se bachata hain :- Patta gobhi mein aise nutrients paye jate hain jo cancer ke roktham ke saath-saath usse bachne mein help karte hain. Diindolylmethane (DIM), Sinigrin, lepeol, sulforaphane aur indole-3-carbinol, jaise tatv patta gobhi mein paye jate hain, Yeh sabhi tatv cancer se bachaav karne mein helpful mane jate hain. 

• Alzheimer ko kam karne mein helpful :- Fresh research se yeh maloom hua ki Patta gobhi khane se Alzheimer jaisi problems ko door kiya ja sakta hain. Isme Vitmain K hota hain jo Alzheimer ko kam karne mein help karta hain. 

• Kabj se aaram dilata hain :- Isme high quality ke fiber mauzood hote hain, jiski wajah se pachan tantra sahi tarike se kaam karta hain, Agar aapka pachan tantra sahi tarike se kaam karta hain toh definitely aapko kabz, gas, acidity ki problem aadi nahi hoti hain. 

• Peptic Ulcer ke treatment mein helpful :- Patta gobhi stomach ulcer ke treatment mein kafi helpful saabit hota hain. Is bimari se joojh rahe mareez ko agar niyamit roop se patta gobhi ka sewan karwaya jaye toh usay jaldi hi is bimari se aaram mil sakta hain, Kyonki Patta gobhi mein glutamine tatv hota hain, Jo ulcer ko kam karne mein madad karta hain. 

• Body ki immunity ko badhata hain :- Patta gobhi khane se body ki immunity power badhti hain. Isme vitamin c bahut hi acchi quantity mein paya jata hain, jisse body ki immunity kafi strong ho jati hain. • Skin ke liye hain faydemand :- Patta gobhi mein bahut hi acchi matra mein Anti-oxidants paye jate hain, jo skin ko healthy rakhne ke liye behad hi jaroori hain. 

• Anti-Inflammatory properties ka khazana :- Isme Amino Acid bahut hi high quality mein paya jata hain jo sujan aadi ko kam karne mein helpful hain. 

• Aankho ke liye faydemand :- Patta gobhi aankho ke liye bahut hi faydemand mana jata hain. Iske niyamit sewan karne se motiyabind hone ki sambhavna kafi kam ho jati hain. Iske lagatar istemal se body mein Beta-Carotene ki quantity badh jati hain, Aapko bata de ki Beta-Carotene Aankho ke liye bahut hi jaroori element hain. 

• Muscles ke pain mein aaram :- Patta gobhi mein Lactic Acid paya jata hain jo muscles ke pain aur usay chotil hone par usay repair karne mein help karta hain.

Aaiye Patta Gobhi khane ke fayde (Benefits) ka youtube video dekhte hain :-