Makkhi bhagane ke gharelu nuskhe aur upay. (Home remedies for housefly in Hindi.)

Mausam ke badlate hi makkhiya aapko preshan karne lagti hain. Makkhi jyadatar kachre aur gandi jagaho par baithati hain aur phir aapke khane aadi par  baith kar aapke khaane peene ki cheezo ko dooshit karti hain. Kya aapko pata hain modern science bhi Makkhi (Housefly) ko bhi khatarnaak jeevo mein se ek manti hain, Kyonki yeh sabse jyada bimariya phailati hain. 

Toh aise mein dosto aapko in makkhiyo ko apne gharo se door bhaga dena chahiye, Aaj ke article mein hum makkhi ghar se door bhagane ke gharelu nuskhe aur upay ke baare mein janenge, jinhe apna kar aap Makkhiya (Housefly) ko apne ghar se door bhaga aur maar sakte hain. (How to rid Housefly from Home, Home Remedies for fly rid in Hindi/Urdu.) 

• Pankha chalaye :- Yeh sabse asaan tarika hain makkhiyo ko bhagane ka aur aapko kuch karna bhi nahi padega. Aapko sirf apne room ka fan on karna hain aur hawa se saari makkhiya udd jayengi. 

• Ek katore mein to thoda sa sirka le aur usme thoda detergent milaye, jisse makkhiya uski tarah attract hongi , Lekin bahar nahi aa sakengi.

• Makkhiyo ko bhagane ke liye kuch khas tel aate hain jaise Lavender, Nilgiri, Pudina, Lemon Grass aadi. Yeh air freshener ka kaam karte hain. Inhe chhidakne se makkhiya nahi aati hain. 

• Ultra Violet Trap makkhiyo ko apni aor attract karta hain, Jisse makkhiya oos par aakar baithati hain aur baithate  hi mar jati hain, Isliye yeh makkhiyo ko bhagane ka sabse accha tarika hain. 

• Kuch lavang le aur  unhe ek seb mein chubho de aur aisi jagah par rakhe jaha makkhiya ho. Kuch hi samay mein saari makkhiya bhaagne lagengi. 

• Kapoor makkhiyo ko ghar mein aane se rokta hain. Thoda sa kapoor jalaye aur purey kamre mein usay ghoomaye, Uski mahak se makkhiya bhaag jayengi. 

• Screening se aap apne ghar mein makkhiyo ko aane se rok sakte hain. Screening ghar ko sahi roshini deti hain, jisse makkhiya ghar mein nahi aati hain. 

• Tulsi sirf apne aushadiya guno ke liye hi nahi jani jati hain, balki yeh makkhiyo ko bhagane mein bhi bahut kargar hain. Ghar mein tulsi ka paudha lagaye aur makkhiyo ko ghar se door bhagaye. Iske alawa aap taksaal, Lavenderj aur gende aadi ke paudhe bhi laga sakte hain. 

• Research batate hain ki Green Apple Liquid soap makkhiyo ko attract karta hain. 2 chammach green apple liquid  soap ko ek jar mein daale aur uske upar kuch inch tak paani bhar le. Makkhiya green apple liquid soap ki mahak (smell) se jaar  mein aa jayengi aur phir paani mein doob jayengi, Is tarah se aap makkhiyo ko badi asaani se maar sakte  hain. 

• Fly Insect killer machine bahut hi asaan tarika hain makkhiyo ko maarne ka. Yeh ek Electronic machine hoti hain jo makkhiyo ko usme fasaa kar maar deti hain.