Sabudana ke fayde (Benefits of Sago in Hindi.)

Sabudana jise Englishe mein Sago kaha jata hain, Ise hum jyadatar upvaas ya vrat ke dino mein istemal karte hain. Vaise  toh ise phalahaar ki tarah  istemal kiya jata hain, Lekin iske  guno ke baare mein aap mein se bahut kam log hi jante honge. Aaj ki post mein hum janenge  ki Sabudana khane ke fayde (Benefits) kya hote hain, Sabudaan dikhne mein safed  motiyo ki tarah hota hain. Sach-much mein yeh sehat ke liye  bhi sacche-motiyo ki tarah hi hain. Aaiye  jante hain Sabudaana khane se kya-kya labh hote hain. (Benefits  of Sago in Hindi.) :- 

• Sabudana Carbohydrate ek good source hain, Jo body ko instant aur  jaroori  energy dene mein bahut hi kargar hota hain. 

• Pet ki kisi bhi tarah ki problem hone par Sabudana khana faydemand rahta hain. Yeh pachan kriya ko theek karke gas, Apach aadi ki samsyaon ko door karta hain. 

• Sabudana khana se tiredness (thakaan) door hoti hain. Yeh  thakaan ko dooor karke body mein jaroori energy level ko banaye rakhta hain. 

• Jab  kisi wajah se pet kharab hone par dast lag jaye toh aise mein bina doodh wali sabudaane se bani kheer khana faydemand rahta hain aur  yeh dast se turant rahat deti hain. 

• Sabudane ka face mask chehre  par lagane se chehre par kasaav aata hain, jhurriya bhi kam ho jati hain. Yeh tavcha mein tightness ko banaye  rakhne mein faydemand hain. 

• Ek research ke anusaar Sabudaan aapko fresh rakhne mein madad karta hain, Ise chawal ke saath istemal karne  par  Yeh body mein badhne  wali garmi ko kam kar  deta hain. 

• Jin logo mein eating  disorder ki problem hain, veh apna wajan asaani se gain nahi kar paate  hain. Aise mein oon logo ke liye  sabudana ek behatarin option hain, jisse  veh apna wajan badha  sakte  hain. 

• Sabudane mein paya jane  wala potassium blood  circulation ko behtar  banata hain aur blood pressure  ko control karta hain. Iske alawa yeh muscles ke  liye  bhi faydemand hain. 

• Sabudane mein Calcium, Iron, Vitamin K bharpoor matra mein paya jata hain, Jo haddiyo ko majboot banaye  rakhne aur lacheelepan ke liye bahut hi jaroori  tatv hain.

• Sabudane mein paya jane wala Folic Acid  aur Vitamin B complex pregnancy ke time garbh mein pal rahe  bacche ke development mein madadgar  hota hain.