Woman ki acchi sehat kiye best food.
Har lady ki yeh khawaaish hoti hain ki vah ta-umar jawan aur khubsoorat dikhe. Saath hi healthy aur Fit bhi rahe. Isliye kai ladies kai kism ki koshish karti rahti hain. Kabhi yoga karti hain toh kabhi cosmetic products ka use karti hain. Agar aap puri zindagi fit aur beautiful bani rahna chahti hain to aapko khane ki aisi cheezo ke baare mein batane ja rahe hain, Jinhe auraton ko apni diet mein jaroor shamil karna chahiye. Fitness aur Beauty ke liye phir zyada mehnat ki jaroorat nahi padegi.
Ladies ko jaroor khani chahiye yeh cheeze :-
1. Dalchini :- Dalchini ka sewan regular taur par karna mahilaon ke liye faydemand hota hain. Ise khane se blood pressure control mein rahta hain. Research ke mutabik rojana aadha chammach Dalchini lene se Blood sugar level mein 29% tak kami aati hain.
2. Green Tea :- Ladies ko fit rahne ke liye daily kam se kam 2 cup green tea jaroor peena chahiye. Green tea peene se thakaan door hoti hain aur mind bhi fresh rahta hain. Pet aur fefdo se related bimariya bhi door rahti hain.
3. Honey :- Shahad mein Antibiotic aur Healing enzymes bahut hi acchi quantity mein paye jate hain. Ise khane se bimariya bahut jaldi theek ho jati hain. Iske alawa Shahad mein Antibacterial tatv paye jate hain jo body ko infection aadi se bachane mein madad karte hain.
4. Akhrot :- Akhrot ko regularly khane se Heart attack hone ka khatra 90% tak kam ho jata hain. Woman ko har din 5 se 6 Akhrot jaroor khana chahiye. Isse cholesterol level bhi control mein rahta hain.
5. Hari Sabziya :- Green Vegetables mein bharpoor matra mein Vitamin C, K, Folic Acid, Iron, Calcium, Potassium jaise poshak tatv paye jate hain. Hari sabziyo mein paya jane wala Vitamin B dil ki bimariya ko door rakhta hain. Vitamin A skin cells ke repair mein madad karta hain. Saath hi, inme paya jane wala Antioxidants Skin ko hamesha young banaye rakhta hain.
6. Khatte Phal :- Vitamin C se bharpoor phal jaise Santra, Mosambi, Amrood, Ber, Nimbu jaise khatte phalo ko jaroor khaye. Iske alawa in phalo mein aur bhi kai nutrients paye jate hain. Inhe regularly khane se Skin par jhurriya nahi padti hain.
7. Haldi :- Aurton ko Haldi ka sewan niyamit roop se karte rahna chahiye. Isse Yaddasht ko 30% tak increase kiya ja sakta hain. Saat hi iske sewan se pet aur Periods problems mein bhi fayda milta hain. Aisa haldi mein milne wale Curcumin ki wajah se hota hain. Yeh brain ko poshan dene wala sabse powerful Antioxidant hain.
8. Olive oil :- Olive oil mein Unsaturated Fatty Acid hota hain. Isliye iske istemal se skin hamesha jawan bani rahti hain. Saath hi yeh baalo ki health ke liye tonic ka kaam karta hain. Jaitoon ke tel se baalo ki massage karne se baal healthy aur shiny ho jate hain.
9. Lahsun :- Lahsun Antioxidants aur dusre nutrients se bharpoor hota hain. Yeh cells ke abnormal growth ko rokta hain. Lahsun Antiviral aur Antibacterial guno se bharpoor hota hain jo body ki immunity power ko badhaane mein helpful hota hain.
Post a Comment