Chehra chamkane ke gharelu nuskhe (Instant Glowing Face tips in Hindi).

Chehre ko jaldi kaise chamkaaye? Instant Glowing tips kya hain? Chehre ko jhat-pat chamkaane ke tips aur nuskhe bataye? agar aap inhi swaalo se ghire huye hain to yeh post aapke kaam ki hain. Aajkal jyadatar log time ki shortage ki wajah se skin par jyada dhyaan nahi de paate hain. Jiske kaaran skin dull ho jati hain. Agar aapke saath bhi yehi problem hain to hum aapko bata rahe hain, kuch aise gharelu nuskhe, jinhe apna kar aap apne chehre ko chamka sakte hain. 

# Roj subah khali pet Gajar ka juice peene se chehra chamakne lagta hain.

# Green Tea Anti-Oxidants se bharpoor hoti hain, Iske niyamit sewan se skin ke daag-dhabbe door hote hain aur chehra chamakne lagta hain. 

# Santre ka Juice piye. Santre ke chhilko ko sukha kar paste bana kar face par lagaye. Yeh kafi kargar nuskha hain. 

# Multani Mitti mein Gulabjal mila kar lagane se chehra chamakne lagta hain aur rangat badh jati hain. 

# Kela chehre ki jhurriyo ko mitata hain. Yeh tavcha mein kasaav lata hain. Paka hua kela mash karke chehre par lagaye, Aadhe ghante baad chehre ko dho le. 

# Aankho ke niche kaale ghere ho toh rojana aankho ke aap-paas kacche Aaloo ke tukde se halke haatho se massage kare. Kuch hi dino mein kaale ghere door ho jayenge. 

# Ek chammach Shahad aur Nimbu ke ras ko mila kar chehre par lagaye. Isse chehra chamakne lagta hain. 

# 2 Chammach Kheere ka ras, Aadha chammach Nimbu ka ras aur chutaki bhar Haldi mila kar lagaye. 

# Kheere ka ras saawlapan door karne mein madadgar hota hain. Kheere ka ras nikal kar usay chehre par lagaye aur 15 Minutes ke baad chehra dho le. Chehra chamakne lagega. 

# Jau ka Aata, Haldi aur Sarso ka tel paani mein mila kar face pack bana le. Rojana sharir par malish kar garam paani se nahaye. Doodh mein kesar mila kar piye. 

# Jab bhi bahar jaye to Sunscreen Cream ya lotion laga kar jaye. Suraj ki kirane skin tone ko kam kar deti hain. 

# Ek chammach Shahad lekar usay chehre par halke haatho se lagaye. 15-20 Minutes tak ise laga rahne de, Phir chehra dho le. Oily skin ho toh Shahad ke mein 4-5 boonde Nimbu ka ras mila kar lagaye. 

# Neem  tavcha ke kai problem ko door karta hain. Iske istemal se pimples door ho jate hain. 4-5 Neem ki pattiya Multani Mitti ke saath mila kar thoda sa paani daalkar pees le. Yeh lep chehre par lagaye aur 15 minutes baad chehre ko dho le. 

# 2 Chhote chammach Besan mein 1 Chhota chammach Haldi milaye. Is mixture mein 10 boond Gulabjal aur 10 boond Nimbu ke ras mila kar fente. Uske baad thoda kaccha doodh mila kar patla lep banaye. Is lep ko nahane se pahle chehre par lagaye. Aadhe ghante baad chehra dho le.

# 4 Chammach Multani Mitti, 2 Chammach Shahad, 2 Chammach Dahi aur 1 Chammach Nimbu ka ras ek saath mila kar paste bana le. Ab is paste ko chehre par lagaye. Aadhe ghante baad chehre ko paani se dho le, dekhiye kaise aapka chehra chamakne lagega.