Haath pair sunn (Numb) hone par apnayiye yeh gharelu upay, nuskhe aur tips. (Home treatment for numbness in Hindi/Urdu)
Kabhi-kabhi hamare haath pair sunn ho jate hain. Jisme agar hum kisi bhi cheez ko chhoote hain jo hame pata hi nahi chal pata hain. Iske alawa aapko infected area mein pain, kamjori ya ainthan bhi mahsoos ho sakti hain. Hum mein se jyadatar logo ne is samsya ka saamna kabhi na kabhi jaroor hi kiya hoga.
Sharir ke ang (Body part) ka sunn (Numb) pad jana ek aam si baat hain. Iske sunn hone ki kai wajah hain jaise lagatar haatho aur pairo par pressure padna, Kisi thandi cheez ko bahut der tak choona, Nervous mein chot lagta, Bahut zyada sharab peena, thakaan, smoking, diabetes, Magnesium ya phir Vitamins aadi ki kami hona.
Agar yeh problem kuch minutes tak rahti hain to koi ghabraane wali baat nahi hain. Lekin haath pair ka sunn hona kai ghanto se bana rahta hain to turant aapko doctor ke paas jane ki jaroorat hain. Yeh kisi serious bimari hone ka symptom bhi ho sakta hain.
Haatho aur pairo ka sunn hona bahut hi painful hota hain, Kyonki aisi situation mein aapka mann koi kaam karne mein nahi lagta hain. Lekin aap is problem ko gharelu ilaj ke jariye bhi theek kar sakte hain.
• Vitamin B wale food khaye :- Agar haath-pairo mein jhanjhanahat hoti hain to apni diet mein Vitamin B, B6 aur B12 wale food ko shamil kare. In vitamins ki kami ki wajah se haath, pair, baajoo aur ungliyo mein numbness hoti hain. Aapko apne khane mein Eggs, Avocado, Meat, Kela, Fish, Beans, Oatmeal, Doodh, Dahi, Paneer, Dry fruits, Beej aur phal aadi khana chahiye. Aap chahe to Vitamin B-Complex supplement bhi din mein 2 baar kha sakte hain.
• Sunn ho gye ang ko upar uthaye :- Haath pairo ka sunn hona kharab blood circulation ki wajah se bhi hota hain. Isliye infected hisse ko upar uthayiye, Jisse veh normal ho sake. Isse sunn wala hissa theek ho jata hain. Aap apne prabhavit hisse ko takiye par uccha karke bhi let sakte hain.
• Massage kare ;- Jab bhi aapke haath-pair sunn padne lage to unhe massage karna start kar de. Isse blood circulation badhta hain. Garm Nariyal tel, Sarso ka tel ya phir Jaitoon ke tel se aap massage kar sakte hain.
• Garm paani se senke :- Haath pair sunn hone par aap unpar garm paani ki bottle rakh kar sikaayi kare. Jisse oon areas mein blood ki supply badh jayegi. Isse muscles aur nerves relax feel karengi. Ek saaf kapde ko garm paani mein 5 minutes ke liye bhigoye aur phir usse sunn hone wali jagah ki seekayi kare. Aap jahe to garm paani se naha bhi sakte hain.
• Magnesium ka sewan kare ;- Dry Fruits, Hari Pattedar sabziya, Peanut butter, Oatmeal, thande paani ki macchliya, Soybean, Avocado, Dark Chocolate, Beej, Low fat dahi aadi ko khane se magnesium milta hain. Magnesium ki kami hone se bhi haath pair sunn ho jate hain. Aap rojana Magnesium 350 M G ka supplement bhi le sakte hain. Lekin ise lene se pahle apne doctor se jaroor contact kare.
• Exercise :- Kasrat karne se body mein blood circulation sahi tarah se hota hain aur sharir mein oxygen ki matra badhti hain. Rojana haath aur pairo ki 15 minutes ki exercise jaroor karni chahiye. Iske alawa hafte mein 5 din ke liye 30 minutes Aerobics kare, Jisse aap hamesha healthy bane rahenge.
• Dalchini :- Dalchini mein chemical aur nutrients hote hain jo haath pairo mein blood flow ko badhate hain. Experts batate hain ki rojana 2-4 gram Dalchini powder ka sewan karne se blood circulation increase hota hain. Isko lene ka sabse accha tarika yeh hain ki 1 glass garm paani mein 1 chammach Dalchini powder milaye aur din mein 1 baar ise piye. Dusra tarika yeh hain ki 1 Chammach Dalchini aur Shahad mila kar subah kuch dino tak isko khaye.
• Haldi :- Haldi mein aise tatv paye jate hain jo rakt sanchaar ko badhate hain. Saath hi yeh dard, sujan aadi ki preshani ko bhi kam karte hain. Ek glass doodh mein 1 chammach haldi mix karke halki aanch par pakaye. Isko peene se aapko kafi rahat milegi. Aap haldi aur paani ko mix karke prabhaavit jagah par lagakar massage bhi kar sakte hain.
Post a Comment